Uttar Pradesh: ఉత్తర్‌ప్రదేశ్‌ లో భారీ అగ్నిప్రమాదం.. రాపిడ్ ట్రాన్సిట్ సిస్టమ్ స్టేషన్‌లో ఘటన
ఉత్తర్‌ప్రదేశ్‌ మీరట్‌లోని పల్లవ్‌పురం పోలీస్ స్టేషన్ పరిధిలో నిర్మాణంలో ఉన్న RRTS స్టేషన్‌లో బుధవారం భారీ అగ్నిప్రమాదం జరిగింది. ఆర్‌ఆర్‌టిఎస్ ప్రాజెక్ట్ నిర్మాణంలో ఉన్న భాగాన్ని మంటలు చుట్టుముట్టాయి. మంటలను అదుపు చేసేందుకు అగ్నిమాపక సిబ్బంది ప్లాట్‌ఫారమ్‌ పైకి చేరుకునేందుకు ఏర్పాట్లు చేస్తున్నారు. రెండు నగరాల మధ్య సాఫీగా ప్రయాణించేందుకు వీలుగా ఢిల్లీ-మీరట్ ప్రాంతీయ రాపిడ్ ట్రాన్సిట్ సిస్టమ్ (RRTS) నిర్మాణం జరుగుతోంది. గత ఏడాది అక్టోబరులో,ఉత్తర్‌ప్రదేశ్‌లోని సాహిబాబాద్ ర్యాపిడ్‌ ఎక్స్ స్టేషన్‌లో ఢిల్లీ-ఘజియాబాద్-మీరట్ ఆర్‌ఆర్‌టిఎస్ కారిడార్ ప్రాధాన్యతా విభాగాన్ని ప్రధాని నరేంద్ర మోదీ ప్రారంభించారు.
RRTS అనేది రైలు ఆధారిత హై-స్పీడ్,హై-ఫ్రీక్వెన్సీ, ప్రాంతీయ ప్రయాణ రవాణా వ్యవస్థ
ప్రాంతీయ రాపిడ్ ట్రాన్సిట్ సిస్టమ్‌ను ప్రారంభిస్తూ సాహిబాబాద్ నుండి దుహై డిపోను కలిపే ర్యాపిడ్‌ఎక్స్ రైలును (RRTS) దేశంలో ఫ్లాగ్ చేశారు. RRTS అనేది రైలు ఆధారిత హై-స్పీడ్, హై-ఫ్రీక్వెన్సీ, ప్రాంతీయ ప్రయాణ రవాణా వ్యవస్థ. ఇది జాతీయ రాజధాని ప్రాంతం (NCR) అంతటా పెద్ద నగరాలు, పట్టణాలు, అర్బన్ నోడ్‌లను కలుపుతుంది. ఇది మెరుగైన యాక్సెస్ ద్వారా పౌరులకు సాధికారత కల్పించడం, ఆర్థిక,సామాజిక మినహాయింపు సమస్యలను పరిష్కరించడం అలాగే NCR సమతుల్య, స్థిరమైన ఆర్థిక అభివృద్ధిని ప్రోత్సహించడం లక్ష్యంగా పెట్టుకుంది.
