Vijay: తొలి పోరులోనే విజయ్ పార్టీ అద్భుత విజయం.. జగన్, కేసీఆర్ తొలి ఎన్నికల రికార్డులు బ్రేక్
ఈ వార్తాకథనం ఏంటి
తమిళ సినీ నటుడు 'దళపతి' విజయ్ రాజకీయాల్లోనూ బ్లాక్బస్టర్ ఎంట్రీ ఇచ్చారు. సోమవారం ప్రకటించిన 2026 తమిళనాడు శాసనసభ ఎన్నికల ఫలితాల్లో ఆయన నాయకత్వంలోని తమిళగ వెట్రి కళగం పార్టీ అనూహ్య విజయాన్ని నమోదు చేసింది. తొలి సారిగా ఎన్నికల్లో పోటీ చేసిన ఈ పార్టీ ఎవరూ ఊహించని రీతిలో 108 స్థానాలను కైవసం చేసుకుంది. మొత్తం 234 స్థానాలున్న శాసనసభలో ప్రభుత్వం ఏర్పాటు చేయడానికి అవసరమైన 118 స్థానాలకు కేవలం పది స్థానాల దూరంలో నిలిచి రాష్ట్ర రాజకీయాల్లో పెద్ద మార్పుకు నాంది పలికింది.
వివరాలు
టీవీకే ఓట్ షేర్ సరికొత్త రికార్డు
ఈ ఎన్నికల్లో విజయ్ పార్టీ సాధించిన ఓట్ షేర్ సరికొత్త రికార్డును నెలకొల్పింది. తమిళగ వెట్రి కళగం దాదాపు 34.92 శాతం ఓట్లను దక్కించుకుని అరుదైన ఘనతను సాధించింది. 2000 సంవత్సరం తర్వాత దేశంలో తొలిసారి పోటీ చేసిన ఒక పార్టీ ఇంత పెద్ద ఓట్ల శాతాన్ని పొందడం ఇదే తొలిసారి కావడం గమనార్హం. ఈ ఫలితాలు తమిళనాడు రాజకీయ రూపురేఖలను పూర్తిగా మార్చేశాయని విశ్లేషకులు అభిప్రాయపడుతున్నారు.
వివరాలు
టీవీకే ఓట్ షేర్ సరికొత్త రికార్డు
దేశవ్యాప్తంగా గతంలో కొత్తగా ఏర్పడిన ప్రాంతీయ పార్టీల తొలి ఎన్నికల ప్రదర్శనను పరిశీలిస్తే, ఈ విజయం ఎంత పెద్దదో అర్థమవుతుంది. 2013లో ఢిల్లీలో మొదటిసారి పోటీ చేసిన ఆమ్ ఆద్మీ పార్టీ సుమారు 29 శాతం ఓట్లతో 70లో 28 స్థానాలు గెలుచుకుంది. అలాగే 2014లో ఉమ్మడి ఆంధ్రప్రదేశ్లో ప్రారంభమైన వైఎస్సార్ కాంగ్రెస్ పార్టీ తన తొలి పోరులో 27.9 శాతం ఓట్లతో 70 స్థానాలను సాధించింది. మరోవైపు 2004లో తెలంగాణ రాష్ట్ర సమితి సుమారు 6.7 శాతం ఓట్లతో 26 స్థానాలను గెలుచుకుంది. ఈ గణాంకాలతో పోలిస్తే, విజయ్ పార్టీ తొలి పోరాటంలోనే చారిత్రక విజయాన్ని నమోదు చేసిందని స్పష్టమవుతోంది.
వివరాలు
ఎగ్జిట్ పోల్స్ అంచనాలు తలకిందులు
ఈ ఎన్నికలలో ఎగ్జిట్ సర్వేలు పూర్తిగా విఫలమయ్యాయి. చాలా సర్వే సంస్థలు ఈ పార్టీకి అత్యధికంగా ఆరు స్థానాలు మాత్రమే వస్తాయని అంచనా వేశాయి. కానీ ప్రదీప్ గుప్తా ఆధ్వర్యంలోని యాక్సిస్ మై ఇండియా సంస్థ మాత్రం విజయ్ ప్రభావాన్ని ముందుగానే గుర్తించి 98 నుంచి 120 స్థానాలు రావచ్చని అంచనా వేసింది. ఆ అంచనాలు వాస్తవానికి దగ్గరగా ఉండటం విశేషంగా చెప్పుకోవాలి.