Devendra Fadnavis: మహారాష్ట్ర తదుపరి సీఎంగా దేవేంద్ర ఫడణవీస్.. శిందే వర్గం నేత కీలక వ్యాఖ్యలు
ఈ వార్తాకథనం ఏంటి
మహారాష్ట్ర ముఖ్యమంత్రి పదవి విషయంలో ఉత్కంఠ కొనసాగుతోంది. ఈ పరిస్థితిలో శివసేన ఎంపీ నరేశ్ మహస్కే చేసిన ఆసక్తికర వ్యాఖ్యలు చర్చనీయాంశంగా మారాయి.
మహాయుతి కూటమి దేవేంద్ర ఫడణవీస్‌ను సీఎంగా ఎంపిక చేస్తే తాము ఆ నిర్ణయాన్ని అంగీకరిస్తామని మహస్కే స్పష్టం చేశారు.
"మాకు ముఖ్యమంత్రి పదవి దక్కకపోయినా, మేము ఉద్ధవ్ ఠాక్రేలా రాజీనామా చేయం. మహాయుతి తీసుకునే నిర్ణయానికి పూర్తిగా మద్దతు ఉంటాం. దేవేంద్ర ఫడణవీస్ నాయకత్వంలో పనిచేస్తాం. ఏక్‌నాథ్ శిందే అసంతృప్తిగా లేరు," అని మహస్కే తెలిపారు.
వివరాలు
"దేవేంద్ర ఫడణవీస్ పేరును వెంటనే ప్రకటించండి
అంతేకాకుండా, సీఎం పదవి దక్కని పరిస్థితిలో హోంమంత్రి పదవి కావాలని శిందే పట్టుబట్టినట్లు వచ్చిన వార్తలు మరో చర్చకు దారితీశాయి.
మహస్కే చేసిన వ్యాఖ్యల ప్రకారం, ముఖ్యమంత్రి పదవిపై శిందే వర్గం కొంత వెనక్కి తగ్గినట్లు భావించవచ్చు.
ఇదిలావుంటే, సీఎం పేరును ప్రకటించడంలో జరుగుతున్న ఆలస్యంపై విపక్షాలు బీజేపీను తీవ్రంగా విమర్శిస్తున్నాయి.
"దేవేంద్ర ఫడణవీస్ పేరును సీఎంగా నిర్ణయిస్తే, వెంటనే ప్రకటించండి. ఆలస్యం ఎందుకు? మీకు అడ్డంకి ఏమిటి?" అని శివసేన (యూబీటీ) నేతలు ప్రశ్నిస్తున్నారు.
వివరాలు
ఆపధర్మ ముఖ్యమంత్రిగా శిందే
అయితే, బీజేపీ మాత్రం ప్రతీచోట జాగ్రత్తలు తీసుకుంటూ భాగస్వామ్య పార్టీల మధ్య విభేదాలు రాకుండా చూడటంపై దృష్టి సారిస్తోంది.
పార్లమెంటు సమావేశాల సమయంలో మహారాష్ట్ర నేతలతో సమావేశాలు నిర్వహిస్తూ ఈ అంశాన్ని చర్చిస్తోంది.
మరోవైపు, మహారాష్ట్ర అసెంబ్లీ గడువు ముగియడంతో, శిందే సీఎం పదవికి రాజీనామా చేశారు.
గవర్నర్ ఆయన రాజీనామాను ఆమోదిస్తూ, కొత్త ప్రభుత్వం ఏర్పాటయ్యేవరకు ఆయన ఆపధర్మ ముఖ్యమంత్రిగా కొనసాగాలని సూచించారు.