Weather-Rains: తెలంగాణకు చల్లటి కబురు-సోమవారం నుంచి ఐదురోజుల పాటు వర్షాలు
ఈ వార్తాకథనం ఏంటి
ఎండలతో ఉక్కిరిబిక్కిరిపోతున్న ప్రజానీకానికి చల్లటి కబురు చెప్పింది హైదరాబాద్ వాతావరణ శాఖ.
రాష్ట్రవ్యాప్తంగా సోమవారం నుంచి ఐదు రోజులపాటు తెలంగాణ వ్యాప్తంగా తేలికపాటి నుంచి ఓ మోస్తారు వర్షాలు కురుస్తాయని వాతావరణ శాఖ వెల్లడించింది.
ఉరుములు మెరుపులతో కూడిన వర్షాలు కూడా పడతాయని తాజా ప్రకటనలో వెల్లడించింది.
దాదాపు అన్ని జిల్లాలకు ఎల్లో అలర్ట్ కూడా జారీ చేసింది.
అయితే కొన్ని జిల్లాల్లో మాత్రం వడగాల్పులు వీచే అవకాశం ఉందని తెలిపింది.
ఇదిలా ఉండగా రాష్ట్రంలో వరుసగా ఐదో రోజు కూడా ఎండ దంచి కొడుతున్నాయి.
Weather-Rains:
నిప్పుల గుండంలో తెలంగాణ...
రానున్న రెండు రోజుల పాటు కొన్ని జిల్లాల్లో అధిక ఉష్ణోగ్రతలు నమోదవుతాయని హైదరాబాద్ వాతావరణ శాఖ హెచ్చరించిది.
శనివారం అత్యధికంగా జగిత్యాల జిల్లా లో జైన,కరీంనగర్ జిల్లా వీణవంకలో 46.8 డిగ్రీలు,నల్లగొండ జిల్లా
తెల్దేవరపల్లిలో 46.8° ఉష్ణోగ్రతలు నమోదయ్యాయి.
రాష్ట్రవ్యాప్తంగా ఏడు జిల్లాల్లో 46 డిగ్రీలకు పైగా 18 జిల్లాల్లో 45 డిగ్రీలకు పైగా అత్యధిక ఉష్ణోగ్రతలు నమోదయ్యాయి .