కోటీశ్వరుడైన బిచ్చగాడు.. ఏకంగా రూ.7 కోట్ల ఆస్తిని సంపాదించాడు
ఈ వార్తాకథనం ఏంటి
భారతదేశంలో బిచ్చగాళ్లకు కొదవఉండదు. ఏ రాష్ట్రాంలోనైనా, ఏ ప్రాంతాలోనైనా పేదరికం ఉంది.దీంతో దేశవ్యాప్తంగా పొట్ట కూటి కోసం అడుక్కుంటారు.
కానీ ఈ బిచ్చగాడు ప్రత్యేకం. ఎందుకంటే అడుక్కునే కోట్లకు పడగలెత్తాడు. కోటాను కోట్ల డబ్బును కూడబెట్టాడు. ఈ సంఘటన మహారాష్ట్రలోని ముంబైలో చోటు చేసుకుంది.
దేశ ఆర్థిక రాజధాని ముంబైలో నివాసం ఉండే భరత్ జైన్ యాచక వృత్తిలో భాగంగా 7 కోట్ల రూపాయలను ఆర్జించాడు.
రూ.1.2 కోట్లతో ఏకంగా డబుల్ బెడ్ రూం ఫ్లాట్‌ ను సంపాదించుకున్నాడు. ఈ క్రమంలోనే రెండు షాపులను కిరాయికి ఇచ్చి నెల వారీగా రూ.30 వేల ఆదాయాన్ని పొందుతున్నాడు.
జైన్ తరచుగా ఛత్రపతి శివాజీ టెర్మినస్, ఆజాద్ మైదాన్ వంటి ప్రముఖ ప్రదేశాల్లో భిక్షాటన చేస్తుంటాడు.
details
ప్రతిరోజూ రూ.2500 వరకు సంపాదిస్తున్న జైన్
బిచ్చమెత్తుకుంటూనే నెలకు రూ.60 వేల నుంచి 75 వేలు సంపాదించి ఔరా అనిపిస్తున్నాడు. ప్రతి రోజు రూ. 2 వేల నుంచి రూ.2,500 వరకు కేవలం యాచక వృత్తిలోనే సంపాదిస్తుండం విశేషం.
ప్రస్తుతం జైన్ ముంబైలోని పరేల్ ప్రాంతంలో ఓ డూప్లెక్స్ ఇంట్లో నివాసం ఉంటున్నాడు. చిన్నతనంలో ఆర్థిక పరిస్థితుల కారణంగా చదువుకోలేకపోయిన జైన్, తన పిల్లలను మాత్రం ఇంగ్లీష్ కాన్వెంట్ లో చదివిస్తున్నాడు.
జైన్ కు ఇద్దరు కుమారులు ఉండగా, భార్య స్టేషనరీ నిర్వహిస్తున్నారు. ఈ నేపథ్యంలోనే జైన్ ను బిచ్చమెత్తుకోవడం ఆపాలని కుటుంబీకులు కోరారు.
తనను ఈ స్థాయికి తెచ్చిన యాచక వృత్తిని వదలడం తనకు ఇష్టం లేదని చెప్పడం కొసమెరుపు.