Yadagirigutta Temple : వార్షిక బ్రహ్మోత్సవాలకు యాదగిరిగుట్ట సిద్ధం.. ఈసారి ప్రత్యేకతలు ఏంటంటే..
ఈ వార్తాకథనం ఏంటి
యాదగిరిగుట్టలోని శ్రీ లక్ష్మీ నరసింహ స్వామివారి ఆలయాన్ని వార్షిక బ్రహ్మోత్సవాలకు సర్వం సిద్ధం అయ్యింది.
ఎల్లుండి నుండి 23 వరకు మహాక్రతువు జరుగనుంది. ఆలయ విమాన గోపురం స్వర్ణతాపడం పనులు ఇప్పటికే పూర్తయినవి.
108 మంది రత్వికులు ప్రత్యేక పూజలు నిర్వహించడానికి సిద్ధమయ్యారు.
దేశంలోని పుణ్య నదుల నుండి పవిత్ర జలాలను తీసుకురానున్నారు. కొండపై ఐదు హోమగుండాలు ఏర్పాటు చేశారు.
వివరాలు
మార్చి 1 నుండి...
కొండపై ఉన్న పెద్ద కుండానికి అనుబంధంగా మరో నాలుగు హోమగుండాలు ఏర్పాటు చేసినట్లు అధికారులు తెలిపారు.
ప్రతి రోజు శ్రీ సుదర్శన నారసింహ, శ్రీ లక్ష్మి హవన హోమాలు నిర్వహించబడతాయి.
23న విమాన రాజగోపురానికి 25 కలశాలతో అభిషేకం చేయబడతాయి. 19 నుండి 22 వరకు 108 మంది రత్వికులతో సుదర్శన హోమం, నారసింహ హోమం నిర్వహించబడతాయి.
23న సుమారు లక్షమందికి పులిహోర ప్రసాదం పంపిణీ చేయబడుతుంది.
మార్చి 1 నుండి వార్షిక బ్రహ్మోత్సవాలు ప్రారంభమవుతాయి. వానమామలై రామానుజ జీయర్ స్వామి చేతుల మీదుగా 5 రోజుల ఉత్సవాలు నిర్వహించబడతాయి.
వివరాలు
65.84 కేజీల బంగారం...
యాదగిరిగుట్ట విమాన గోపురం కోసం 65.84 కేజీల బంగారాన్ని సమీకరించినట్లు ఆలయ అధికారులు వివరించారు.
విరాళాల ద్వారా 10.500 కేజీలు, దేవస్థానానికి ఉన్న గోల్డ్ బాండ్ విత్ డ్రా ద్వారా 3 కేజీల 120 గ్రాములు, హుండీలో వచ్చిన ఆభరణాల ద్వారా 12 కేజీల 701 గ్రాములు, వెండిని బంగారంగా మార్చడం ద్వారా 8 కేజీల 672 గ్రాములు, బయట నుంచి 30.51 కేజీల బంగారం కొనుగోలు చేసినట్లు తెలిపారు.
దివ్య విమాన గోపురం మొత్తం 10,753 స్క్వేర్ ఫీట్ల పరిమాణంలో ఉంది. ఒక్కో స్క్వేర్ ఫీట్‌కు 6 గ్రాములు బంగారం వెచ్చించామని వివరించారు.
వివరాలు
దేశంలోనే అతిపెద్ద గోపురం...
ఈ విమాన గోపురం దేశంలోనే అతిపెద్దదిగా పేర్కొంటున్నారు అధికారులు.
దీనిని 5 అంతస్తుల పంచతల గోపురం అని పిలుస్తారు. 50.5 అడుగుల ఎత్తులో ఉన్న ఈ గోపురంలో 40 విగ్రహాలను ప్రతిష్టించారు.
ఒక్కో అంతస్తుకు 8 విగ్రహాలు అమర్చబడ్డాయి. స్వామివారి గోపురం, ఆలయపు 39 కళశాలను కూడా బంగారంతో తాపించారు.
మహాకుంభ సంప్రోక్షణ కార్యక్రమాన్ని భక్తులు ప్రత్యక్ష ప్రసారంలో చూడటానికి నాలుగు ప్రధాన వీధుల్లో ఎల్‌సీడి స్క్రీన్లు ఏర్పాటు చేశారు.
వివరాలు
ఆలయ చరిత్ర...
యాదగిరిగుట్ట ఆలయ చరిత్ర కూడా ఆసక్తికరంగా ఉంది. విభాండక ఋషి కుమారుడు రుష్యశృంగుడు.
అతని కుమారుడు హాద ఋషి, లేదా హాదర్షి. ఆయన నరసింహ స్వామి భక్తుడిగా పేరొందారు.
హాద ఋషికి స్వామివారిని ప్రత్యక్షంగా చూడాలని కోరిక వచ్చింది. అందుకే ఆయన తపస్సు చేశాడు.
ఆయన తపస్సుతో స్వామివారు ప్రత్యక్షమై వరం అడగమన్నారు. అప్పుడు హాదర్షి స్వామివారు ఎల్లప్పుడూ ఇక్కడే ఉండాలని కోరారు.
అంతిమంగా, స్వామివారు హాదర్షికి యాదగిరిగుట్టలో కొలువై ఉండాలని వరం ఇచ్చారు. యాదవుడు అనే ముని ఈ ప్రదేశంలో తపస్సు చేసినందున, ఈ ప్రాంతానికి యాదగిరి అని పేరు వచ్చింది.