Death Clock: AI-ఆధారిత 'డెత్ క్లాక్' మీరు ఎప్పుడు చనిపోతారో అంచనా వేయగలదు: దీని గురించి తెలుసా?
ఈ వార్తాకథనం ఏంటి
మనిషి ఎప్పుడు పుడతాడు, ఎప్పుడు మరణిస్తాడు అనే అంశం పూర్తిగా దైవాధీనమని అనేకమంది నమ్ముతారు.
కానీ 'ఆర్టిఫిషియల్ ఇంటెలిజెన్స్ డెత్ క్లాక్' (AI Death Clock) అనే టెక్నాలజీ మనిషి మరణించే తేదీని ముందే అంచనా వేసేందుకు ప్రయత్నిస్తోంది.
ఇది ఎంతవరకు నిజం? నిజంగానే ఇది పనిచేస్తుందా? చూద్దాం.
వివరాలు
డెత్ క్లాక్ ఎలా పనిచేస్తుంది?
'డెత్ క్లాక్' అనే ఫ్రీ వెబ్‌సైట్ మనిషి ఆయుషును అంచనా వేయడానికి కొన్ని పారామీటర్లు ఉపయోగిస్తుంది. అవి:
వయస్సు
బాడీ మాస్ ఇండెక్స్ (BMI)
ఆహారపు అలవాట్లు
రోజువారీ వ్యాయామం
పొగ తాగే అలవాటు ఉందా లేదా?
మద్యం సేవించేవారా?
జీవించే ప్రాంతంలోని వాతావరణ పరిస్థితులు ఈ సమాచారాన్ని ఆధారంగా తీసుకుని, వ్యక్తి ఎప్పుడు, ఎలా చనిపోతాడో అంచనా వేస్తుంది.
సోషల్ మీడియాలో వైరల్
ఇప్పటివరకు ఈ వెబ్‌సైట్ 63 లక్షల మందికి వారి మరణ తేదీ చెప్పినట్లు తెలుస్తోంది. దీని అంచనాలు నిజమేనా? అనే ప్రశ్నకు స్పష్టమైన సమాధానం లేకపోయినా, దీని గురించి సోషల్ మీడియాలో చర్చ జరుగుతోంది.
వివరాలు
ఆయుష్యాన్ని పెంచే మార్గాలు
'డెత్ క్లాక్' వెబ్‌సైట్ మరణ తేదీని చెప్పడమే కాదు, ఆయుష్యాన్ని పెంచేందుకు కొన్ని సూచనలు కూడా ఇస్తుంది:
ఆరోగ్యకరమైన బరువును మెయింటెన్ చేయండి
నిత్యం వ్యాయామం చేయండి
పొగ తాగడం పూర్తిగా మానేయండి
సమతుల్య ఆహారం తీసుకోండి
మద్యం తక్కువగా తీసుకోండి లేదా పూర్తిగా మానేయండి
సరిపడినంత నిద్రపోండి
రెగ్యులర్ హెల్త్ చెకప్ చేయించుకోండి
ఒత్తిడిని తగ్గించుకోండి
బంధాలను మెరుగుపరచుకోండి ఈ విధంగా, డెత్ క్లాక్ అందించే వివరాలు ఖచ్చితంగా నిజమా లేదా అనేది అనుమానాస్పదమే అయినా, మంచి ఆరోగ్యంతో ఎక్కువ రోజులు బతకడానికి ఇచ్చే సూచనలు మాత్రం అనుసరించదగినవే.