Hair Care: ఎండాకాలంలో జుట్టుకు నూనె రాస్తే కలిగే లాభాలివే..
ఈ వార్తాకథనం ఏంటి
ప్రతి ఒక్కరికి జుట్టు పొడవుగా, ఒత్తుగా, ఆరోగ్యంగా కనిపించాలని ఉంటుంది.
అయితే, కాలుష్యం, సరైన ఆహారం లేకపోవడం వంటి కారణాలతో జుట్టు అధికంగా రాలిపోవడం, చిన్న వయస్సులోనే తెల్ల వెంట్రుకలు రావడం వంటి సమస్యలు ఎదురవుతున్నాయి.
ఈ సమస్యలను నివారించాలంటే, మనం జుట్టు సంరక్షణ విషయంలో ప్రత్యేకంగా శ్రద్ధ వహించాలి.
జుట్టు సంరక్షణ అంటే ఖరీదైన నూనెలు, షాంపూలు, సీరమ్స్ వాడటం తప్పనిసరి అనుకోవాల్సిన అవసరం లేదు.
మనం సాధారణంగా ఉపయోగించే కొబ్బరి నూనె సరిపోతుంది. కొబ్బరి నూనెను క్రమంగా తలకు మర్దన చేయడం వల్ల జుట్టు ఆరోగ్యంగా, అందంగా మారుతుంది.
వివరాలు
వేసవిలో తలకు కొబ్బరి నూనె రాయడం వల్ల లాభాలు
అయితే, వేసవి కాలంలో తలకు నూనె రాయొచ్చా? అనే సందేహం చాలామందికి ఉంటుంది.
ఎందుకంటే, ఈ కాలంలో చెమట ఎక్కువగా పట్టుకుని అసహనంగా అనిపించవచ్చు. కొంతమంది, వేసవిలో నూనె రాస్తే జుట్టు ఎక్కువగా ఊడిపోతుందని భావిస్తారు.
కానీ, నిజానికి వేసవి కాలంలోనూ కొబ్బరి నూనెను ఉపయోగించడం చాలా ప్రయోజనాలను అందిస్తుంది.
వేసవిలో తలకు కొబ్బరి నూనె రాయడం వల్ల ఎన్నో లాభాలున్నాయి.
అయితే, తగిన మొత్తంలో మాత్రమే వాడాలి. మృదువుగా తలకు మసాజ్ చేయడం వల్ల తలలో రక్తప్రసరణ మెరుగవుతుంది.
దీని ద్వారా తలనొప్పి, ఒత్తిడి తగ్గుతాయి. అలాగే, కండరాలకు విశ్రాంతి లభిస్తుంది. తలకు నూనె సమర్థవంతంగా చేరుతుంది, ఇది జుట్టుకు తగిన పోషకాలను అందిస్తుంది.
వివరాలు
చుండ్రును తగ్గించడంలో,జుట్టుకు మెరుపు తేవడంలో నూనె ఉపయోగపడుతుంది
ఎండ వేడిని తట్టుకోలేక, వేసవిలో జుట్టు రాలిపోవడం ఎక్కువగా కనిపించవచ్చు.
అయితే, కొబ్బరి నూనెతో పాటు, కుసుమ నూనె, బాదం నూనె, ఆవ నూనె వంటి వాటిని వాడడం వల్ల జుట్టు రాలిపోవడం తగ్గుతుంది.
ఈ నూనెలు చుండ్రును తగ్గించడంలో, జుట్టుకు మెరుపు తీసుకురావడంలో సహాయపడతాయి. వేసవిలో బలమైన సూర్యరశ్మి జుట్టును ఎండబెట్టి, పొడిగా మారుస్తుంది.
ఈ ప్రభావం నుంచి జుట్టును రక్షించేందుకు కొబ్బరి నూనె ఉపయోగపడుతుంది. అయితే, ప్రతి రోజు నూనె రాయాల్సిన అవసరం లేదు.
రాత్రి నిద్రించే ముందు లేదా తలస్నానానికి కొన్ని గంటల ముందు రాస్తే సరిపోతుంది. తర్వాత మృదువైన షాంపూతో తలస్నానం చేస్తే జుట్టు ఆరోగ్యంగా ఉంటుంది.