Gokarna: గోకర్ణ పరిసర ప్రాంతాల్లో మిస్ కాకుండా చూడాల్సినవి ఇవే..!
ఈ వార్తాకథనం ఏంటి
గోకర్ణ, కర్ణాటకలో ఉన్న ఒక ప్రసిద్ధ పర్యాటక కేంద్రంగా పాపులర్ అయ్యింది.
ఈ ప్రాంతం బీచ్‌లు, పురాతన ఆలయాలు, ప్రకృతి రమణీయతతో ఒక అందమైన గమ్యస్థానంగా మారింది.
పర్యాటకులు విశ్రాంతి తీసుకునే ప్రాంతంగా, గోకర్ణ వేగంగా పేరు పొందింది.
ఇక్కడి సీఫుడ్స్, విభిన్న రుచులు, సాంప్రదాయాల కారణంగా బాగా పాపులర్ అయ్యింది.
మీరు గోకర్ణకు వెళ్ళినపుడు, ఈ ప్రాంతంలోని కొన్ని ముఖ్యమైన స్థలాలను సందర్శించడం మిస్ చేయకూడదు. అవి ఏమిటో ఇప్పుడు చూద్దాం.
వివరాలు
యానా గుహలు
యానా గుహలు, సహజసిద్ధంగా ఏర్పడిన అద్భుతమైన గుహలు. ఇవి ప్రత్యేకమైన సున్నపు రాయితో నిర్మించబడిన భారీ రాతి కట్టడాలు. ట్రెక్కింగ్ చేయాలని ఇష్టపడే వారికి, పురాతన నిర్మాణాలపై ఆసక్తి ఉన్న వారికి ఈ గుహలు పర్యటనకు అద్భుతమైన ప్రదేశం. ఈ గుహల సమీపంలో ఉన్న సిర్సి పట్టణంలో సహస్ర లింగం చూడవచ్చు. గోకర్ణ నుండి ఈ గుహలు 48 కిలోమీటర్ల దూరంలో ఉన్నాయి.
ఓం బీచ్
అరేబియన్ సముద్ర అందాలతో ఓం బీచ్ అద్భుతంగా ఉంటుంది. ఓం బీచ్ గోకర్ణ సమీపంలో ఉన్న ఒక ప్రముఖ పర్యాటక ప్రదేశం. ఈ బీచ్ ప్రాంతం ప్రకృతి రమణీయతతో నిండి ఉంటుంది. ఇక్కడ మీరు వాటర్ స్పోర్ట్స్ కూడా ఆస్వాదించవచ్చు.
వివరాలు
మహాబలేశ్వర ఆలయం
గోకర్ణలోని మహాబలేశ్వర ఆలయం ఆధ్యాత్మిక ప్రాముఖ్యత కలిగిన ఒక స్థలం. ఇది ద్రవిడ శిల్పకళతో నిర్మించబడింది, భక్తులు ఎప్పటికప్పుడు ఇక్కడ పూజలు చేస్తుంటారు. ఆలయానికి సమీపంలో ఉన్న కోటి తీర్థం కూడా సందర్శించాలి.
గోకర్ణ బీచ్
గోకర్ణ బీచ్ అనేది అనేక భక్తుల కోసం ఒక పవిత్ర స్థలం. సముద్ర తీరంలో ప్రకృతి అందాలు కనిపిస్తాయి. ఈ ప్రాంతంలో స్థానిక సంప్రదాయాలు మరియు ప్రత్యేకమైన చేపల వంటకాలు కూడా ఉన్నాయి.
వివరాలు
జోగ్ వాటర్ ఫాల్స్
గోకర్ణ నుంచి జోగ్ వాటర్ ఫాల్స్ సుమారు 120 కిలోమీటర్ల దూరంలో ఉంది. ఈ జలపాతం, దాని చుట్టుపక్కల ప్రకృతి దృశ్యాలు మనసును హత్తుకుంటాయి. జోగ్ వాటర్ ఫాల్స్ చూడడానికి గోకర్ణ సందర్శనలో చేర్చుకోవడమే మంచి అనుభూతి ఇస్తుంది.
మీర్జాన్ కోట
మీర్జాన్ కోట, ఇండో-ఇస్లామిక్ శైలిలో నిర్మించబడిన పురాతన కోట. ఈ కోటపైకి ఎక్కి చుట్టూ ఉన్న ప్రకృతి దృశ్యాలను చూడవచ్చు. గోకర్ణ నుండి మీర్జాన్ కోట 22 కిలోమీటర్ల దూరంలో ఉంది.
మురుడేశ్వర్ ఆలయం, బీచ్
మురుడేశ్వర్ ఆలయాన్ని తప్పక సందర్శించాలి.ఇది 209 అడుగుల ఎత్తులో ఉన్న శివ దేవుడి ఆలయం. బీచ్ కూడా అద్భుతమైనది. గోకర్ణ నుండి ఈ ఆలయం సుమారు 80 కిలోమీటర్ల దూరంలో ఉంది.
వివరాలు
నైత్రానీ ఐల్యాండ్
గోకర్ణ నుండి 60 కిలోమీటర్ల దూరంలో నైత్రానీ ఐల్యాండ్ ఉంటుంది. ఆరేబియన్ సముద్రంలో ఉన్న ఈ ఐల్యాండ్, డైవింగ్ వంటి వాటర్ స్పోర్ట్స్ కోసం ప్రసిద్ధి చెందింది. ఇక్కడ చక్కటి అనుభూతి పొందవచ్చు.
మరిన్ని బీచ్‌లు
గోకర్ణ చుట్టుపక్కల మరిన్ని బీచ్‌లు కూడా ఉన్నాయి. హాఫ్ మూన్ బీచ్,ప్యారడైజ్ బీచ్ ఇతర ప్రధాన ఆకర్షణలు.