Eid Mehndi: ఈద్ స్పెషల్: లేటెస్ట్ మెహందీ డిజైన్లతో ఫెస్టివ్ లుక్
ఈ వార్తాకథనం ఏంటి
రంజాన్ వేడుకల్లో మెహందీకి ప్రత్యేక స్థానం ఉంది. చేతుల అందాన్ని మరింతగా హైలైట్ చేస్తూ, పండుగ వాతావరణాన్ని రెట్టింపు చేసే కొత్త, సింపుల్ మెహందీ డిజైన్లు ఇప్పుడు ట్రెండ్లో ఉన్నాయి. ఈ ఈద్ను మరింత ప్రత్యేకంగా మార్చుకోవాలనుకుంటే, ఈ లేటెస్ట్ నమూనాలను తప్పక చూసేయండి. రంజాన్ సందర్భంలో అరబిక్ మెహందీ డిజైన్లు ఎంతో ఆకర్షణీయంగా ఉంటాయి. వీటిలో తీగల ఆకృతులు, ఆకులు, పెద్ద పువ్వుల నమూనాలు ప్రధానంగా కనిపిస్తాయి. సాధారణంగా ఈ డిజైన్ చేతి ఒక వైపు నుంచి ప్రారంభమై వేళ్ల వరకు విస్తరిస్తుంది. స్టైలిష్గా, ట్రెండీగా కనిపించాలనుకునే వారికి ఇది మంచి ఎంపిక.
వివరాలు
నెలవంక-నక్షత్రాలతో మినిమల్ నుంచి ఫుల్ హ్యాండ్ వరకు ప్రత్యేక మెహందీ స్టైల్స్
రంజాన్కు ప్రతీకలైన నెలవంక, నక్షత్రాలను మెహందీలో ఆవిష్కరించడం ద్వారా ప్రత్యేకమైన ఫెస్టివ్ లుక్ పొందవచ్చు. అరచేతి మధ్య భాగంలో లేదా మణికట్టు సమీపంలో మూన్-స్టార్ డిజైన్ వేస్తే ఎంతో ఆకర్షణీయంగా కనిపిస్తుంది. సింపుల్గా ఉన్నప్పటికీ ఈ డిజైన్ ప్రత్యేకతను చాటుతుంది. తేలికైన, సాదాసీదా మెహందీ ఇష్టపడేవారికి మినిమలిస్టిక్ నమూనాలు బెస్ట్. చిన్న పువ్వులు, బిందీలు, పలుచని గీతలతో రూపొందిన ఈ డిజైన్లు క్లాసీగా ఉంటాయి. ఈద్ సందర్భంగా ఫుల్ హ్యాండ్ మెహందీ కూడా మంచి ఎంపిక. అరచేతి నుంచి మోచేయి వరకు దట్టమైన, క్లిష్టమైన డిజైన్లు వేయడం ద్వారా సంప్రదాయ, సొగసైన లుక్ పొందవచ్చు. దీనికి కొంత సమయం పట్టినా ఫలితం అద్భుతంగా ఉంటుంది.
వివరాలు
రంజాన్ స్పెషల్ మెహందీ డిజైన్లు..గోరింటాకు ముదురు రంగుకు చిట్కాలు
చేతి వెనుక భాగంలో వేయించే మెహందీ కూడా రంజాన్లో బాగా ట్రెండ్ అవుతోంది. మణికట్టు నుంచి వేళ్ల దాకా మెష్ ప్యాటర్న్లు, పువ్వుల నమూనాలు లేదా గంట ఆకృతులు వేస్తారు. ఫోటోలు,సెల్ఫీల్లో ఇవి ఎంతో అందంగా మెరవడం విశేషం. పిల్లల కోసం సులభమైన,తేలికపాటి డిజైన్లు సరైనవి. చిన్న పువ్వు,హృదయ ఆకారం లేదా చంద్రుడి నమూనా చాలు.ఇవి అందంగా ఉండటమే కాకుండా, ఎక్కువ సేపు కూర్చోవాల్సిన అవసరం లేకుండా త్వరగా పూర్తవుతాయి. గోరింటాకు ముదురు రంగు రావాలంటే ముందుగా చేతులను శుభ్రంగా కడగాలి. మెహందీ పూర్తిగా ఆరిన తరువాత నిమ్మరసం,పంచదార కలిపిన స్వల్ప మిశ్రమాన్ని అప్లై చేయాలి. కొన్ని గంటల పాటు గోరింటాకును తొలగించకుండా ఉంచితే రంగు మరింత గాఢంగా, ఎక్కువకాలం నిలకడగా ఉంటుంది.