Valentine's Day: ప్రామిస్ డే, హగ్ డే ఎప్పుడో తెలుసా? వాలెంటైన్ వీక్‌లో ప్రత్యేకమైన రోజులివే!
ఈ వార్తాకథనం ఏంటి
ప్రేమికులు ఎంతగానో ఎదురుచూసే వాలెంటైన్స్ డే వచ్చేసింది. ఫిబ్రవరి 7 నుంచి 14 వరకు జరుపుకునే ఈ ప్రేమికుల వారంలో జంటల మధ్య బంధం మరింత బలపడుతుందని భావిస్తారు.
ఈ వారం ప్రేమికుల జీవితంలో ప్రత్యేక స్థానం కలిగి ఉండే హగ్ డే, కిస్ డే, టెడ్డీ డే, వాలెంటైన్స్ డే వంటి ప్రత్యేక దినాలను కలిగి ఉంటుంది.
ఈ సందర్భంగా ప్రేమికులు తమ అనుభూతులను పంచుకుంటూ, బహుమతులు ఇచ్చిపుచ్చుకుంటూ ఆనందంతో తేలియాడుతుంటారు.
ఈ వారం ప్రత్యేకతలను వివరంగా తెలుసుకుందాం.
Details
ఫిబ్రవరి 7 - రోజ్ డే
వాలెంటైన్ వీక్‌లో తొలి రోజు రోజ్ డే. ప్రేమను వ్యక్తపరచడానికి గులాబీ పువ్వులు అందించటం ద్వారా తమ మనసులోని భావాలను ప్రియమైన వ్యక్తులకు తెలియజేస్తారు.
ముఖ్యంగా ఎర్ర గులాబీలు ప్రేమకు ప్రతీకగా నిలుస్తాయి.
ఫిబ్రవరి 8 - ప్రపోజ్ డే
ప్రపోజ్ డే ప్రత్యేకంగా ప్రేమికులు తమ ప్రియమైన వారిని ప్రేమగా ప్రపోజ్ చేసేందుకు ఉంటుంది.
తమ మనసులోని భావాలను వ్యక్తపరచడానికి ఇది సరైన సమయంగా భావిస్తారు.
Details
ఫిబ్రవరి 9 - చాక్లెట్ డే
ఈ రోజును ప్రేమకు తీయదనాన్ని జోడించేందుకు జరుపుకుంటారు. ప్రేమికులు ఒకరికి ఒకరు చాక్లెట్లు ఇచ్చిపుచ్చుకుంటూ తమ ప్రేమను మరింత మధురంగా మార్చుకుంటారు.
ముఖ్యంగా అమ్మాయిలు చాక్లెట్లను ఎక్కువగా ఇష్టపడటంతో, ఈ రోజు మరింత ప్రత్యేకంగా మారుతుంది.
ఫిబ్రవరి 10 - టెడ్డీ డే
టెడ్డీలంటే అమ్మాయిలకు ఎంతో ఇష్టం. అందుకే ఈ రోజు ప్రేమికులు తమ ప్రియమైన వారిని ఆనందింపజేయడానికి టెడ్డీ బహుమతిగా ఇస్తారు.
టెడ్డీ బేర్ ప్రేమ, ఆప్యాయతకు ప్రతీకగా నిలుస్తుందని నమ్ముతారు.
Details
ఫిబ్రవరి 11 - ప్రామిస్ డే
ప్రేమలో ఉన్న ఇద్దరు వ్యక్తుల మధ్య నమ్మకాన్ని బలపరచే రోజు ఇది. ఎల్లప్పుడూ ఒకరికి ఒకరు తోడుగా నిలవాలని ప్రేమికులు ఈ రోజున వాగ్దానాలు చేసుకుంటారు.
ఈ రోజు ఇచ్చుకున్న మాటలతో ప్రేమ బంధం మరింత దృఢంగా మారుతుంది.
ఫిబ్రవరి 12 - హగ్ డే
ప్రేమను వ్యక్తపరచడానికి ఆలింగనం ఒక గొప్ప మార్గం.
ప్రేమికులు ఒకరిని ఒకరు హగ్ చేసుకుంటూ తమ ప్రేమను, ఆప్యాయతను మరింత పెంచుకుంటారు. పదాలు చెప్పలేని భావాలను హగ్ ద్వారా వ్యక్తపరచుతారు.
Details
ఫిబ్రవరి 13 - కిస్ డే
ప్రేమకు మరో గొప్ప సంకేతంగా కిస్ డే నిలుస్తుంది. ముద్దు ద్వారా ప్రేమను వ్యక్తపరచడం వల్ల ఇద్దరి మధ్య ప్రేమ బంధం మరింత గాఢమవుతుందని భావిస్తారు.
ప్రేమికులు ఈ రోజు తమ అమితమైన ప్రేమను వ్యక్తపరచుకుంటారు.
ఫిబ్రవరి 14 - వాలెంటైన్స్ డే
వాలెంటైన్ వీక్‌లో చివరి రోజు ప్రత్యేకమైన వాలెంటైన్స్ డే. ప్రేమికులకు ఇది అత్యంత ముఖ్యమైన రోజు. ప్రేమ బంధాన్ని చిరస్థాయిగా నిలిపేలా ఈ రోజున జంటలు తమ భావాలను వ్యక్తపరచుకుంటారు.
తమ జీవితాంతం గుర్తుండిపోయే జ్ఞాపకాలను సృష్టించుకునే రోజుగా దీన్ని జరుపుకుంటారు.
ప్రేమను ప్రతిరోజూ జరుపుకోవాల్సిన అవసరం ఉన్నప్పటికీ, వాలెంటైన్ వీక్‌లో ప్రతి రోజు ప్రేమికులకు మరింత ప్రత్యేకంగా అనిపిస్తుంది.