బరువును తగ్గించడం నుండి గుండె ఆరోగ్యాన్ని మెరుగుపర్చడం వరకు గుమ్మడి విత్తనాల ప్రయోజనాలు
గింజలు తినడం ఆరోగ్యానికి మంచిదని పోషకాహార నిపుణులు చెబుతూనే ఉన్నారు. గింజల్లో ఫైబర్ కంటెంట్ ఎక్కువగా ఉంటుంది. ఇప్పుడు గుమ్మడి గింజలను తినడం వల్ల ఆరోగ్యానికి కలిగే ప్రయోజనాలు ఏంటో తెలుసుకుందాం. రక్తంలో చెక్కర శాతాన్ని కంట్రోల్ లో ఉంచుతుంది: గుమ్మడి విత్తనాల్లో మెగ్నిషియం ఉంటుంది. మెగ్నీషియం కారణంగా రక్తంలో చక్కెర శాతం నియంత్రణలో ఉంటుంది. డయాబెటిస్ వచ్చే రిస్కును తగ్గించడంలో గుమ్మడి విత్తనాలు సాయం చేస్తాయి. క్యానర్ కణాలను పెరగకుండా నిరోధిస్తుంది: ఆడవాళ్ళలో రొమ్ము క్యాన్సర్, మగవాళ్ళలో ప్రొస్టేట్ క్యాన్సర్ కణాలు వృద్ధి చెందకుండా గుమ్మడి విత్తనాలు అడ్డుకుంటాయని నిపుణులు చెబుతున్నారు. ఈ విషయంలో మరింత పరిశోధన అవసరమని శాస్త్రవేత్తల వాదన.
యాంగ్జాయిటీని తగ్గించే గుమ్మడి విత్తనాలు
గుండె ఆరోగ్యాన్ని మెరుగుపరుస్తుంది: మెగ్నీషియం కారణంగా రక్తంలో చక్కెర స్థాయిలు తగ్గడమే కాదు, రక్త ప్రసరణ నియంత్రణలో ఉంటుంది. ఈ కారణంగా గుండెకు మేలు జరుగుతుంది. గుండెపోటు, హృదయ సంబంధ వ్యాధులు వచ్చే అవకాశం తగ్గుతుంది. మంచి నిద్రను అందిస్తుంది: గుమ్మడి విత్తనాలలో నిద్ర కలిగించే ట్రిప్టోఫాన్ ఉంటుంది. ఈ కారణంగా మీకు ప్రశాంతమైన నిద్ర కలుగుతుంది. అంతేకాదు, అనవసర ఆందోళన, యాంగ్జాయిటీలను గుమ్మడి విత్తనాల్లోని పోషకాలు దూరం చేస్తాయి. అయితే ఒకరోజులో పావుకప్పు గుమ్మడి విత్తనాలు మాత్రమే తినాలి. అంతకంటే ఎక్కువ తినకూడదు. ఈ విత్తనాలను దోరగా వేయించి తింటే మలబద్దకం దూరమవుతుంది.