Sun Stroke: ఈ లక్షణాలు ఉన్నాయంటే వడదెబ్బ తగిలినట్టే - తక్షణ వైద్యం అవసరం!
ఈ వార్తాకథనం ఏంటి
వేసవి కాలంలో ఎండలు తీవ్రమవుతూ,మండే గాలులతో శరీర ఉష్ణోగ్రత పెరిగే అవకాశం అధికంగా ఉంటుంది.
ఏప్రిల్ నెలలోనే ఎండలు భయంకరంగా ఉంటే,మేలో పరిస్థితి ఎలా ఉంటుందో ఊహించవచ్చు.
వేసవిలో తరచుగా ఎదురయ్యే ఒక ప్రధాన సమస్య వడ దెబ్బ (Heat Stroke).
వడదెబ్బను చాలామంది సాధారణ సమస్యగా భావించవచ్చు. కానీ, ఇది అసలు అలాంటిదేమీ కాదు.
ఇది తీవ్రమైన ఆరోగ్య సమస్య. తక్షణ చికిత్స లేకుండా వదిలేస్తే ప్రాణాలకు ముప్పు తలెత్తుతుంది.
శరీరం ఎక్కువ వేడికి లోనైనప్పుడు ఉష్ణోగ్రత సడెన్‌గా పెరిగి, అలసట, మైకం, ఆందోళన మొదలైన సమస్యలు వస్తాయి. అందుకే, ముందుగానే అప్రమత్తంగా ఉండటం అత్యంత ముఖ్యం.
వివరాలు
వడదెబ్బ వచ్చినప్పుడు శరీరంలో ఎలాంటి సూచనలుంటాయో ఇప్పుడు చూద్దాం:
1. అధిక జ్వరం
వడదెబ్బకు మొదటి ముఖ్య లక్షణం శరీర ఉష్ణోగ్రత చాలా వేగంగా పెరగడం. కొన్నిసార్లు ఇది 104 డిగ్రీ ఫారన్‌హీట్‌ దాటుతుంది. వైరల్ ఫీవర్ లేనప్పటికీ వేసవిలో జ్వరం రావడం, చెమట రాకుండా పోవడం, చర్మం వేడి, పొడిగా మారడం వంటివి వడదెబ్బకు సంకేతాలవుతాయి.
2. మైకం లేదా మూర్ఛ
వడదెబ్బ తీవ్రతతో శరీరంలో నీరసం, గ్లూకోజ్ స్థాయిలు పడిపోవడం వలన మైకం లేదా మూర్ఛ రావచ్చు. శరీరం పూర్తిగా డీహైడ్రేట్ అవుతుంది. ఇది రక్తపోటు తగ్గింపునకు దారి తీస్తుంది, తద్వారా మూర్ఛ వచ్చే ప్రమాదం పెరుగుతుంది.
వివరాలు
వడదెబ్బ వచ్చినప్పుడు శరీరంలో ఎలాంటి సూచనలుంటాయో ఇప్పుడు చూద్దాం:
3. తీవ్రమైన తలనొప్పి
ఎండ వేడి నేరుగా మెదడుపై ప్రభావం చూపించడంతో తీవ్రమైన తలనొప్పి వస్తుంది. బాధితుడు అయోమయానికి లోనవుతాడు. ప్రవర్తనలో అసహజ మార్పులు, అర్థం చేసుకోవడంలో ఇబ్బంది, అనవసరంగా అరవడం వంటి లక్షణాలు కనిపించవచ్చు.
4. వేగంగా హృదయ స్పందన
వడదెబ్బ తగిలినప్పుడు శరీర ఉష్ణోగ్రత ఒక్కసారిగా పెరిగి, గుండె స్పందన వేగంగా మారుతుంది. శ్వాస కూడా అసాధారణంగా వేగంగా జరుగుతుంది. గుండె సంబంధిత సమస్యలు ఉన్నవారికి ఈ పరిస్థితి మరింత ప్రమాదకరంగా ఉంటుంది.
వివరాలు
వడదెబ్బ వచ్చినప్పుడు శరీరంలో ఎలాంటి సూచనలుంటాయో ఇప్పుడు చూద్దాం:
5. చెమట
వడదెబ్బ వచ్చినప్పుడు శరీర శీతలీకరణ వ్యవస్థ సరిగ్గా పనిచేయదు. దీనివల్ల చెమట పట్టడం ఆగిపోతుంది. శరీరం పొడిగా, వేడిగా అనిపిస్తుంది. వేసవిలో చెమట రాకపోవడం వడదెబ్బ ప్రధాన సంకేతాల్లో ఒకటి.
సరైన సమయానికి జాగ్రత్తలు తీసుకోండి
పైన చెప్పిన లక్షణాల్లో ఏవైనా కనిపిస్తే, అది వడదెబ్బకు స్పష్టమైన సూచన. అటువంటి పరిస్థితుల్లో వెంటనే ఆసుపత్రిని సంప్రదించడం అత్యవసరం. సమయానికి చికిత్స అందితే ప్రాణాపాయం నివారించవచ్చు.