మీ పెంపుడు కుక్కపిల్ల నార్మల్ గా కంటే ఎక్కువ నిద్రపోతుందా? కారణాలు తెలుసుకోండి
ఈ వార్తాకథనం ఏంటి
మీ కుక్కపిల్ల ఈ మధ్య ఎక్కువగా నిద్రపోతుందా? గతంలో మాదిరి యాక్టివ్ గా ఉండలేకపోతుందా? దీనికి చాలా కారణాలున్నాయి.
కుక్కపిల్లలు ఒత్తిడి ఫీలవడం దగ్గరి నుండి వాటి ఆరోగ్యం పాడవటం వరకూ అనేక కారణాల వల్ల అవి ఎక్కువ సమయం నిద్రపోతుంటాయి. ప్రస్తుతం ఇక్కడ కొన్ని కామన్ కారణాల గురించి తెలుసుకుందాం.
మీ పెట్ ముసలిదైతే లేక యవ్వనంలో ఉంటే: సంవత్సరంలోపు కుక్కపిల్లలు ఎక్కువ సేపు నిద్రపోతాయి. కనీసం 12గంటల నిద్ర వాటికి అవసరం. అలాగే కుక్క వయసు పెరుగుతున్న కొద్దీ దాని నిద్రపోయే సమయం కూడా పెరుగుతుంటుంది.
మానసిక ఇబ్బందులు: ఒత్తిడి, యాంగ్జాయిటీ, బోర్ వల్ల కుక్కలు బద్దకంగా మారతాయి. అందుకే వాటికి డైలీ రొటీన్ అలవాటు చేయాలి.
పెట్
కుక్కపిల్లలు ఎక్కువ సమయం నిద్రపోవడానికి కారణాలు
థైరాక్సిన్ లోపం: ఇది కూడా కుక్కలు ఎక్కువ సేపు నిద్రపోవడానికి ఒక కారణంగా నిలుస్తుంది. థైరాక్సిన్ హార్మోన్ కావాల్సినంత విడుదల కాకపోవడం వల్ల కుక్కపిల్లల జీవక్రియలో మార్పులు వచ్చి ఆరోగ్యం దెబ్బతింటుంది.
కొన్ని కుక్కపిల్లల జాతులకు ఎక్కువ నిద్ర అవసరం: మీరు పెంచుకుంటున్న కుక్కపిల్ల బ్రీడ్ మీద దాని నిద్రా సమయం ఆధారపడి ఉంటుంది. సైజ్ లో పెద్దగా ఉండే మస్టిఫ్, స్పేనియల్, గ్రేహౌండ్స్, గ్రేట్ డేన్స్ జాతులకు ఎక్కువ నిద్ర కావాలి.
మీ కుక్కపిల్లకు జ్వరం రావచ్చు: ఎక్కువ సేపు నిద్రపోవడానికి మరో కామన్ కారణం బాక్టీరియా లేదా వైరల్ జ్వరాలు రావడమే. బాక్టీరియా ఇన్ఫెక్షన్లలో ఒకటైన లెప్టోస్పిరోసిస్ అనేది అంటువ్యాధి. ఒక కుక్క మరో కుక్కకు ఈ వ్యాధి అంటుతుంది.