Joint Pains: కీళ్ల నొప్పులను తగ్గించడానికి ఉపయోగపడే ఇంటి చిట్కాలు
ఈ వార్తాకథనం ఏంటి
కీళ్లనొప్పులు రకరకాల కారణాల వల్ల ఇబ్బంది పెడుతుంటాయి. కొందరికి ఆర్థరైటిస్ కారణం కావచ్చు మరికొందరికి అంతకుముందు తగిలిన గాయాల కారణంగా కూడా కావచ్చు.
కారణాలు ఏవైనా కూడా కీళ్ల నొప్పులు తీవ్రంగా ఉన్నప్పుడు వైద్యులను సంప్రదించడం మంచిది.
ప్రస్తుతం వైద్యులను సంప్రదించడంలో ఆలస్యమైతే కీళ్ల నొప్పుల నుండి ఉపశమనం కలిగించే కొన్ని ఇంటి చిట్కాలు తెలుసుకోండి.
ఎప్సం సాల్ట్:
దీనిలో మెగ్నీషియం సల్ఫేట్ ఉంటుంది. ఈ కారణంగా నొప్పులు తగ్గిపోతాయి. ఎప్సం సాల్ట్ ని నీళ్లలో వేసి దానిలో ఒక చిన్న వస్త్రాన్ని ముంచి మీకు ఎక్కడైతే కీళ్లు నొప్పి పెడుతున్నాయో ఆ ప్రాంతంలో వస్త్రంతో మర్దన చేయాలి.
ఇలా రోజుకు 15 నిమిషాల పాటు చేస్తే నొప్పి నుండి ఉపశమనం దొరుకుతుంది.
Details
ఎన్నో ఏళ్లుగా కీళ్లనొప్పిని తగ్గించడానికి వాడుతున్న ఆయిల్
అల్లం:
అల్లంలో నొప్పిని దూరం చేసే మూలకాలు ఉన్నాయి. తరిగిన అల్లాన్ని నీళ్లలో వేసి బాగా మరిగించాలి. ఆ తర్వాత దానిలో ఒక బట్ట ముక్కను ముంచి పైకి తీసి నీటిని పిండేసి మీకు ఎక్కడైతే నొప్పిగా ఉందో ఆ ప్రాంతంలో ఆ వస్త్రాన్ని ఉంచాలి.
ఆలివ్ ఆయిల్:
ఆలివ్ ఆయిల్ తో మీకు నొప్పి ఉన్నచోట మర్దన చేస్తే మంచి ఉపశమనం దొరుకుతుంది. ఈ చిట్కాని చాలా ఏళ్ళుగా ఉపయోగిస్తున్నారు.
గుగ్గిలం నూనె:
ఐదు చుక్కల గుగ్గిలం నూనెను కొంత కొబ్బరి నూనె లేదా ఆలివ్ ఆయిల్ లో కలిపి ఏ ప్రాంతంలో నొప్పి ఉందో అక్కడ మర్దన చేయాలి. ప్రతిరోజు 2-3సార్లు చేస్తే మంచి ఫలితం ఉంటుంది.