అన్ని పనులు మానేసి బెడ్ మీదే ఎక్కువసేపు నిద్రపోవడమనే ట్రెండ్ అవుతున్న కాన్సెప్ట్ గురించి విన్నారా?
ఈ వార్తాకథనం ఏంటి
బెడ్ రాటింగ్.. ఏ పనీ చేయకుండా ఎక్కువ సేపు బెడ్ పైనే ఉండడం అన్నమాట. తాజాగా సోషల్ మీడియాలో ట్రెండులో ఉన్న ఈ కాన్సెప్ట్ గురించి తెలుసుకోవాల్సిన విషయాలేంటో చూద్దాం.
వారం రోజులు పనిచేసిన తర్వాత ఒకరోజు మొత్తం బెడ్ మీద నుండి లేవకుండా బాధ్యతలను గాలికి వదిలేసి పడుకుంటే శరీరంలో కొత్త ఉత్తేజం వస్తుందని కొందరు చెప్పుకుంటున్నారు.
జాబ్ చేసేవాళ్ళకు మానసిక ప్రశాంతత లభించేందుకు బెడ్ రాటింగ్ అనేది బాగా ఉపయోగపడుతుందని చెబుతున్నారు.
దీన్నొక సోమరితనంగా అభివర్ణించకుండా తమ మనసును ప్రశాంతంగా ఉంచుకోవడానికి చేసే ప్రాక్టీస్ అని చెబుతున్నారు. బెడ్ రాటింగ్ పై వస్తున్న వీడియోలకు సోషల్ మీడియాలో వ్యూస్ పెరిగిపోతున్నాయి.
Details
ఎక్కువ సేపు నిద్రపోతే వచ్చే అనారోగ్యాలు
ఇప్పటివరకు 305మిలియన్ల మంది బెడ్ రాటింగ్ వీడియోలను సోషల్ మీడియాలో చూసారు. చాలామంది బెడ్ మీద ఎక్కువ సేపు ఏ పనీలేకుండా పడుకోవడానికి సమర్థించడం లేదు. ముఖ్యంగా వైద్యులు ఈ విషయమై కొన్ని హెచ్చరికలు జారీ చేస్తున్నారు.
అతినిద్ర వల్ల డయాబెటిస్, గుండె సంబంధ వ్యాధులు, స్ట్రోక్స్ వచ్చే అవకాశం ఉందని చెబుతున్నారు. అంతేకాదు, ఏ విషయంలోనూ ఆసక్తి లేకపోవడమనే సమస్య పెరిగిపోయి డిప్రెషన్ కు దారి తీసే అవకాశం ఉందని సూచిస్తున్నారు.
బరువు పెరగడం అనేది అదనంగా భరించాల్సి ఉంటుందని తెలియజేస్తున్నారు.
ఏ పనీ చేయకుండా ఎక్కువసేపు నిద్రపోవడమనే కాన్సెప్టు చాలా పాతదని కొంతమంది అంటున్నారు.