ప్రేరణ: సముద్రంలో అలలు లేకపోతే పడవ నడపడం తెలియదు, సముద్రంలో కష్టాలు లేకపోతే జీవితాన్ని ఎలా నడపాలో తెలియదు
ఈ వార్తాకథనం ఏంటి
కష్టాలు వచ్చిన ప్రతీ ఒక్కరూ నాకే ఇన్ని కష్టాలు ఎందుకు వస్తున్నాయి అనుకుంటారు. అప్పటివరకూ ప్రశాంతంగా సాగిన జీవితంలో కష్టాల పరంపర ఖచ్చితంగా వస్తుంటుంది.
ఆ కష్టాలను నువ్వు చూసే దాన్ని బట్టి అవి నీమీద ప్రభావం చూపుతాయి. వాటిని పట్టించుకుని పరిష్కారం గురించి ఆలోచించకుండా ఆందోళన పడుతుంటే ఆ కష్టాలు మరింత పెరిగే అవకాశం ఉంటుంది.
పూర్తిగా పట్టించుకోకుండా తప్పించుకుందామని ట్రై చేస్తే ఎదుటివాళ్ళకు అన్యాయం చేసినట్టు అవుతుంది. అందుకే కష్టాలు వచ్చినపుడు ఆందోళన చెందకుండా పరిష్కారం కోసం వెతకాలి.
ప్రతీ సమస్యకు పరిష్కారం ఉంటుంది. ప్రతీ కష్టానికీ ముగింపు ఉంటుంది. కష్టం వచ్చేది జీవించే నైపుణ్యాన్ని నీలో పెంచడానికే అని నువ్వు అర్థం చేసుకోవాలి.
Details
కష్టాల కడలిని దాటినవాడి జీవితంలో అనేక పాఠాలు
కష్టాలు అందరికీ వస్తాయని తెలిసినపుడు నువ్వు కష్టాల గురించి ఆందోళన చెందవు. ఇంకో విషయం ఏంటంటే, కష్టాలు వచ్చినపుడే నీ బలం ఏంటో తెలుస్తుంది.
కష్టాల కడలిని దాటినవాడి జీవితంలో ఉండే అనుభవాలు అనేక పాఠాలు చెబుతాయి. జీవించడం అంటే ఏంటో వాళ్ళకే ఎక్కువగా అర్థం అవుతుంది.
సముద్రంలో అలలు లేకపోతే ఎవ్వరైనా పడవను నడవపచ్చు. అలలు ఉన్నా కూడా నడిపితేనే మంచి నావికుడు తయారవుతాడు. జీవితం కూడా అంతే. కష్టాలను దాటినపుడే నీకు ఎలా జీవించాలో తెలుస్తుంది.
ఒడ్డున కూర్చుని లక్ష మాటలు చెప్పేవాడికన్నా, నీళ్ళలో దిగిన వాడు చెప్పే ఒక్క మాటకు ఎక్కువ వ్యాల్యూ ఉంటుంది.