ప్రేరణ: కంఫర్ట్ జోన్ లో ఇరుక్కున్నావంటే విజయం ఎప్పుడూ అందని ద్రాక్షే
ఈ వార్తాకథనం ఏంటి
నీకు చిన్న బిజినెస్ ఉంది, నెలకు ఎంతో కొంత సంపాదిస్తున్నావ్, వాటితో హాయిగా గడిచిపోతుంది. పెద్దగా డబ్బులు మిగలడం లేదు కానీ అప్పు చేయాల్సిన పరిస్థితి మాత్రం రావడం లేదు.
డబ్బులు ఎక్కువ మిగలాలంటే ఇంకొంచెం మార్కెటింగ్ చేయాలని నీకు తెలుసు. అయినా ఎందుకులే అని ఊరుకుంటున్నావంటే నువ్వు కంఫర్ట్ జోన్ లో ఉన్నట్టే లెక్క.
ఆ జోన్ లో ఉన్నప్పుడూ హ్యాపీగానే ఉంటుంది. కానీ కాలం ఎప్పుడూ ఒకేలా ఉండదు కదా. అనుకోని పరిణామాల్ని నీ ముందుంచుతుంది. కంఫర్ట్ జోన్ లో ఉన్న నిన్ను ఆ పరిణామాలు ఇబ్బంది పెడతాయి.
ఆరోగ్యం పాడవడం వల్ల డబ్బు అవసరం పడవచ్చు. అనుకోకుండా బిజినెస్ లో నష్టం జరగవచ్చు. కుటుంబంలో ఏదైనా ఇబ్బంది రావచ్చు.
Details
ప్రయాణంలో ఆగిపోతే ముందు వెళ్ళేవాళ్లే కనిపిస్తారు
కంఫర్ట్ జోన్ దాటి బయటకు రాలేకపోతే వాళ్లకు విజయం ఎప్పటికీ దక్కదు. విజయాన్ని సాధించే సామర్థ్యం ఉన్నా చాలామంది గొప్ప గొప్ప విజయాలు అందుకోకపోవడానికి కారణం కంఫర్ట్ జోన్ దాటి బయటకు రాకపోవడమే.
కష్టం అంటే భయపడేవాళ్ళకు విజయం ఎప్పటికీ దక్కదు. మీరు కూడా అలాంటి జోన్ లో ఉన్నారేమో చెక్ చేసుకోండి. మీకున్న టాలెంట్ కి సానబట్టండి. కొత్త కొత్త దారులలో ప్రయాణించండి.
రోజూ చూసే పార్కు పదవ రోజుకు బోర్ కొట్టేస్తుంది. అడవి మాత్రం ఎప్పటికీ బోర్ కొట్టదు. మీ వేట అడవిలో సాగాలే తప్ప పార్కులో కాదు.
ఆగిపోయిన వాడెప్పుడూ తనముందు వెళ్తున్న వాళ్లను చూస్తుంటాడు. ప్రయాణించే వాడెప్పుడూ కొత్త ప్రపంచాన్ని చూస్తుంటాడు.