ప్రేరణ: నీ జీవితానికి రంగులు వేసే కళ తొందరగా నేర్చుకుంటే జీవితం అందంగా మారుతుంది
ఈ వార్తాకథనం ఏంటి
లైఫ్ ఈజ్ ఏ రెయిన్ బో అంటారు. నిజమే. జీవితం ఇంధ్రధనుస్సు లాంటిది. రకరకాల రంగులను నీకు చూపిస్తుంది. అయితే జీవితం చూపించే రంగులకు బదులు నీకు నువ్వుగా నీ జీవితానికి రంగులు వేయాలి.
ఉదాహరణకు వర్షం వచ్చినపుడు నీ ముఖంపై నవ్వు తెలుపు రంగు. వర్షం రాక భూములన్నీ ఎండిపోయినపుడు నీ మనసులోని బాధ నలుపు. ఇలా జీవితంలో ప్రతీ దశలో రకరకాల రంగులు కనిపిస్తూనే ఉంటాయి.
ఆనందం ఇచ్చే ప్రతీదీ తెలుపే అనుకుంటే కూడా పొరపాటే.
టీనేజ్ లో ఉండగా చెడు అలవాట్లు ఆకర్షణ కలిగిస్తుంటాయి. వాటి మాయలో వాటి రంగు పూసుకుంటే ఆ రంగును వదిలించుకోవడం కష్టమవుతుంది. ఒక దశలో నీ జీవితంలో ఆ ఒక్క రంగే ఉండిపోతుంది.
Details
జీవితంలో బాధలు వస్తూనే ఉంటాయి
హరివిల్లులోని అన్ని రంగులు కలిసినపుడే అందంగా ఉంటుంది. అలాగే జీవితంలో అన్ని రంగులు ఉండాలి. కానీ ఒకే రంగును పట్టుకుని వేలాడితే అసలు సమస్య.
ఎప్పటికీ ఆనందంగా ఉండలేము. ఎప్పటికీ బాధగానూ ఉండలేము. జీవితంలో నలుపు, తెలుపు వస్తూనే ఉంటాయి. పోతూనే ఉంటాయి.
అలాగే స్నేహమనే నారింజ రంగు, ఆకర్షణ అనే గులాబీ రంగులు కూడా జీవితంలో పరిచయం అవుతాయి. ముందే చెప్పినట్టు ఒకే రంగుతో మీ జీవితాన్ని నింపేయకండి.
అయితే మీ జీవితానికి రంగులు ఎంత తొందరగా వేయడం నేర్చుకుంటారో అప్పుడే మీ జీవితం అందంగా ఉంటుంది. లేదంటే ముందే చెప్పినట్టు ఒకే రంగు మిగిలిపోయి ఇబ్బంది కలుగుతుంది.