ప్రేరణ: ఈరోజు నువ్వు చేసే పని రేపటి నీ జీవితాన్ని నిర్ణయిస్తుంది
ఈ వార్తాకథనం ఏంటి
ఈరోజు నువ్వేం చేస్తున్నావనే దాని మీదే రేపటి నీ జీవితం ఆధారపడి ఉంటుంది. అంటే నిన్న నువ్వు చేసిన పని వల్లే ఈరోజు నువ్విలా ఉన్నావన్నమాట.
ఈరోజు నువ్వు కష్టాల్లో ఉన్నావంటే, నిన్న నువ్వు సరిగ్గా పనిచేయలేదన్నమాట. నువ్వు నిన్న కష్టపడి సరిగ్గా పనిచేస్తే ఈరోజు నీకు కష్టం వచ్చేదే కాదు.
నువ్వు నిజంగా నిన్న కష్టపడినా ఈరోజు కూడా కష్టాలు వెంటపడుతున్నాయంటే నీది దురదృష్టం అని చెప్పవచ్చు.
అయితే కష్టం అనే మాట వచ్చినపుడు దురదృష్టం అనే మాట రాకుడదు. కానీ కొన్ని అనుకోని పరిణామాల వల్ల అంతులేని కష్టాలు వస్తాయి.
ఉదాహరణకు నిన్నటి దాకా కష్టపడి చదివి, తీరా ఎగ్జామ్ రాద్దామనుకునే సమయంలో యాక్సిడెంట్ అయ్యి ఎగ్జామ్ రాయలేకపోవడం లాంటిదన్నమాట.
Details
వయసు ఉన్నప్పుడే పని చేయాలి
పైన చెప్పిన దురదృష్టకర పరిణామాలు నీ జీవితంలో లేనట్లయితే నీకు ఈరోజు వచ్చిన కష్టానికి నిన్న నువ్వు చేసిన తప్పులో లేదా నిన్న నువ్వు పడిన సుఖాలో కారణమవుతాయి.
ఇలా కాకుండా నీకు వచ్చిన చిన్న అడ్డంకిని కూడా దురదృష్టం లాగా భావించి నువ్వు సరిగ్గా పనిచేయకుండా ఉండిపోతున్నావంటే అది నీ బాధ్యతా రాహిత్యమని, నిర్లక్ష్యమని అర్థం.
రేపు కష్టం రాకూడదంటే ఈరోజే పనిచెయ్, ఈరోజు ఎంత పనిచేస్తే రేపు నీ జీవితం అంత బాగుంటుంది. అలా కాకుండా, ఈరోజును ఎంజాయ్ చేసి రేపు పనిచేద్దాం అనుకుంటే రేపు నీ ఆరోగ్యం బాగోలేక నీకు పనిచేసే అవకాశం రాకపోవచ్చు.
సో, వయసు ఉన్నప్పుడే వర్క్ చేయాలి. అలసిపోయినపుడు ఆగిపోవాలి.