మౌంట్ మేరీ ఫెస్టివల్: ముంబైలో జరుపుకునే మేరీ మాత పండగ విశేషాలు
ఈ వార్తాకథనం ఏంటి
ప్రతీ ఏడాది ముంబై నగరంలో బాంద్రా ఏరియాలో మౌంట్ మేరీ ఫెస్టివల్ జరుపుకుంటారు.
దీన్ని బాంద్రా ఫెయిర్ అని కూడా అంటారు. సెప్టెంబర్ 8వ తేదీన జన్మించిన ఏసుక్రీస్తు తల్లి మేరీమాతను పూజించడం ఈ పండగ ముఖ్య ఉద్దేశం.
ఈ పండగ బాంద్రాలోని ప్రఖ్యాత చర్చిలో జరుగుతుంది. ఎన్నో ఏళ్లుగా జరుగుతున్న ఈ పండగను చూడడానికి చాలామంది సందర్శకులు వస్తారు. దాదాపు వారం రోజులపాటు ఈ పండగ జరుగుతుంది.
ప్రతీ ఏడాది సెప్టెంబర్ 8వ తేదీ తర్వాత వచ్చే మొదటి ఆదివారం నుండి ఈ పండగను జరుపుకుంటారు. ఈ సంవత్సరం సెప్టెంబర్ 10వ తేదీ నుండి 17వ తేదీ వరకు మౌంట్ మేరీ ఫెస్టివల్ జరగనుంది.
Details
మౌంట్ మేరీ ఫెస్టివల్ చరిత్ర
ఈ పండగలో పాల్గొనాలనుకునేవారు చర్చ్ వద్దకు రావచ్చు.
ఈ పండగ జరిగే వారంలో అనేక ఆటలు చర్చి ఆవరణలో జరుగుతాయి. వీటిల్లో పాల్గొనాలనుకునేవారు నోటీస్ బోర్డులో చూసుకుని హాజరు కావచ్చు.
పండగ చరిత్ర:
జానపద కథల ప్రకారం అరేబియా సముద్రంలో మేరీమాత విగ్రహం తేలుతున్నట్టు కొందరు మత్స్యకారులకు కనిపించింది. అప్పటినుండి ఆ విగ్రహాన్ని పూజించడం మొదలుపెట్టారు.
16వ శతాబ్దంలో పోర్చుగీసు వారు బాంద్రాలో ఆ విగ్రహానికి చర్చి నిర్మించినట్లు సమాచారం. ఆ తర్వాత ఆ చర్చిని అనేకసార్లు మరమ్మత్తులు చేసారు.
మేరీ మాత విగ్రహాన్ని చర్చి పరిసర ప్రాంతాల్లోని క్రైస్తవులు మోతి మౌళి అని మరాఠీలో పిలుచుకుంటారు. అంటే ముత్యం లాంటి తల్లి అని అర్థం.