Motivational: చాణక్యుని బోధనల ప్రకారం ధనం ఖర్చు పెట్టే విధానం..పొదుపుగా ఉండటం తప్పుకాదు!
ఈ వార్తాకథనం ఏంటి
ఆచార్య చాణక్యుడు తన జీవితానుభవం ద్వారా మనకు అనేక విషయాలను బోధించాడు. ఆయన నీతి శాస్త్రం లో వ్యక్తిగత జీవిత శైలి నుండి ఆర్థిక వ్యవహారాల వరకూ ఎన్నో అంశాలపై విలువైన మార్గదర్శకత్వాన్ని ఇచ్చారు. అందులో ముఖ్యంగా ధనాన్ని ఎలా ఖర్చు చేయాలో కూడా చాణక్యుడు స్పష్టంగా వివరించాడు. భారతదేశంలో అత్యంత విలక్షణమైన మేధావుల్లో చాణక్యుడు ఒకరు. ఆయన కేవలం రాజకీయ, దౌత్యవేత్త మాత్రమే కాకుండా, ఆర్థిక విధానాలలోనూ విశేషంగా ప్రావీణ్యం కలవాడు. జీవితంలో ఎదురయ్యే ఎన్నో సమస్యలకు పరిష్కారం చూపేలా ఆయన సూచనలు ఉంటాయి. ఈ సూచనలలో భాగంగా, మన ఆర్థిక వ్యవహారాలనూ సరిచేసుకోవచ్చు.
వివరాలు
మేల్కొన్న వెంటనే భగవంతుడిని ధ్యానించాలి
చాణక్యుని నీతి శాస్త్రం అనేక విషయాలపై స్పష్టతనిచ్చింది. ముఖ్యంగా ఆర్థిక వ్యవహారాలలో ఎలా మెలగాలో ఆయన చెప్పిన మాటలు జీవితాన్ని మారుస్తాయి. జీవితంలో ప్రగతి సాధించాలనుకునే వారు, తన సూచనలలో తెల్లవారు జామున చేయవలసిన కొన్ని ముఖ్యమైన కార్యాలను పాటించాలని చెబుతారు. ప్రతి రోజు ఉదయం మేల్కొన్న వెంటనే కొన్ని పనులు చేయటం వల్ల జీవితం సక్రమంగా సాగుతుందని చెబుతారు. అదృష్టం కలిసివచ్చేందుకు, మంచి ఫలితాల కోసం బ్రహ్మ ముహూర్తాన మేల్కొనడం అవసరమని, ఇది అత్యంత శుభంగా భావించాలంటారు. ఇది కేవలం మతపరంగా కాకుండా ఆరోగ్యపరంగా కూడా చాలా ఉపయోగకరమని చెబుతారు. మేల్కొన్న వెంటనే భగవంతుడిని ధ్యానించాలి. ఆ తర్వాత స్నానం చేసి సూర్యుడికి ఆర్జ్యం సమర్పించి పూజ చేయాలి.
వివరాలు
అవసరమైతే మాత్రమే ధనాన్ని వినియోగించాలి
ఆయనను పూజించిన తరువాత దేవుని నామస్మరణ చేసి ధ్యానించాలి. దేవుడికి గంధాన్ని సమర్పించి, ఆ చందనాన్ని నుదుటిపై, మెడపై రాసుకోవాలని సూచిస్తున్నారు. అలాగే ఆరోగ్యం మెరుగుపడేందుకు కొంత సమయాన్ని ఉదయం వ్యాయామానికి కేటాయించాలి. ఇక డబ్బు వ్యవహారాల విషయానికి వస్తే... డబ్బును సరైన సమయంలో సురక్షిత పెట్టుబడిగా ఉపయోగించే వారు, ఎలాంటి కష్ట పరిస్థితుల్లోనైనా గెలవగలుగుతారు. అవసరమైతే మాత్రమే ధనాన్ని వినియోగించాలి. అనవసర ఖర్చులు చేసే వారు చివరికి ఆర్థికంగా సంక్షోభంలోకి వెళ్ళిపోతారని, దారిద్ర్యాన్ని ఎదుర్కొంటారని చాణక్యుడు హెచ్చరిస్తారు. ఎప్పుడెప్పుడు, ఎక్కడ, ఎంత ఖర్చు చేయాలో తెలియజేసుకుని జీవించే వ్యక్తులు, ఇతరుల కళ్ళకి పిసినారిగా కనిపించొచ్చేమో గానీ, నిజానికి అటువంటి వ్యక్తులు అత్యంత కఠినమైన పరిస్థితుల్లోనూ ప్రశాంతంగా జీవించగలుగుతారు.