ఎండ రాకపోయినా మీ తోటను అందంగా మార్చే గులాబీ చెట్లు
మొక్కలు పెంచాలంటే సూర్యకాంతి ఖచ్చితంగా అవసరం. ఐతే మన పట్టణ ప్రాంతాల్లో ఇరుకుఇరుకుగా ఉండే ఇళ్ళ మధ్య సూర్యకాంతి ఇంట్లోకి రావడం కష్టం. అలాంటప్పుడు ఇంట్లో ఉన్న చిన్న గార్డెన్ లో మొక్కలు పెరగలేవు. ఈ టైమ్ లో కొన్ని గులాబీ చెట్లు మీ తోటను అందంగా మారుస్తాయి. తగిన సూర్యకాంతి పడకపోయినా ఈ చెట్లు పెరుగుతాయి, పూస్తాయి. ఐస్ బర్గ్: తెల్ల గులాబీలను పూచే ఈ చెట్టుకు ఎక్కువ ఎండ అవసరం లేదు. ఆరు అడుగుల ఎత్తువరకు పెరిగే ఈ చెట్లు, వర్షాకాలంలో పూలను పూస్తాయి. వైట్, రెడ్, పింక్ కలర్ పూలను పూచే చెట్లు కూడా దొరుకుతాయి. ఈ పూలకు మంచి సువాసన ఉంటుంది.
తక్కువ కాంతిలోనూ పెరిగే గుణం ఉన్న గులాబీ మొక్కలు
ఆంటోనీ మిలాండ్: ఈ రకం గులాబీ చెట్లు రెండు కాలాల్లో పూలను పూస్తాయి. రెండు నుండి నాలుగు అడుగుల ఎత్తువరకు పెరిగడంతో పాటు 2-4సెంటిమీటర్ల వ్యాసంలో పువ్వులు పూస్తాయి. వర్షాకాలం, వేసవిలో పూలను పూస్తాయి. ప్యాషనేట్ కిస్సెస్: సాధారణంగా ఈ చెట్లు పెరగడానికి పూర్తి సూర్యకాంతి అవసరం. కానీ తక్కువ కాంతిలోనూ పెరిగే గుణం వీటికి ఉంది. ఐదు అడుగుల ఎత్తు వరకూ పెరుగుతాయి. పూర్తి ఎరుపు, నారింజ రంగు పూలను పూచే వెరైటీలు దొరుకుతాయి. రెడ్ నాకౌట్: ఈ హైబ్రిడ్ రకం, వేసవిలో పెరుగుతుంది. కాకపోతే వర్షాకాలం నుండి చలికాలం వరకు పూలు పూసే గుణం కలిగి ఉంటుంది. ఈ గులాబీ పూల వాసన చాలా స్వీట్ గా ఉంటుంది.
