Ram Navami 2025: కర్ణాటక శ్రీరామనవమి స్పెషల్..పెసరపప్పు కోషంబరి
ఈ వార్తాకథనం ఏంటి
శ్రీరామ నవమి సందర్భంగా కర్ణాటకలో ప్రత్యేకంగా తయారు చేసుకునే సంప్రదాయ వంటకం పెసరపప్పు కోషంబరి.
ఇది కన్నడ భోజనంలో ఒక ముఖ్యమైన భాగం. ఈ కోషంబరి సలాడ్ ప్రధానంగా నానబెట్టిన పెసరపప్పు, దోసకాయతో తయారవుతుంది.
హెసరు బేలే కోషాంబరి (పెసరపప్పు కోషంబరి) ఇంట్లోనే సులభంగా, త్వరగా తయారు చేసుకోవచ్చు.
ఇది ప్రొటీన్లలో అధికంగా ఉండే ఆరోగ్యకరమైన సలాడ్. ముఖ్యంగా శాకాహార డైట్‌లో భాగంగా దీన్ని తీసుకోవచ్చు.
ఈ రుచికరమైన, పోషకాహారసమృద్ధి సలాడ్‌ను ఇంట్లో తయారు చేసుకునే విధానాన్ని తెలుసుకుందాం.
వివరాలు
కావాల్సిన పదార్థాలు:
నానబెట్టిన పెసరపప్పు - 200 గ్రాములు
దోసకాయ (చెక్కుతీసి, తరిగినది) - 1
కొబ్బరి (కోరినది) - 2 చెంచాలు
పచ్చిమిర్చి (ముక్కలు)
ఇంగువ - పావు చెంచా
కరివేపాకు - తరిగినది
నిమ్మరసం - అరచెక్క నిమ్మకాయ
ఉప్పు - తగినంత
కొత్తిమీర (తరిగినది)
నూనె - 1 చెంచా
ఆవాలు - 1 చెంచా
వివరాలు
తయారీ విధానం:
నానబెట్టిన పెసరపప్పును ఒక గిన్నెలోకి తీసుకోండి. అందులో దోసకాయ ముక్కలను కలపండి. కొబ్బరి, అల్లం, పచ్చిమిర్చి ముక్కలను కూడా జోడించండి. ఒక కడాయిలో నూనె వేసి, వేడి అయ్యాక ఆవాలను వేగించండి. ఆవాలు చిటపటమన్న తర్వాత, అందులో కరివేపాకు, ఇంగువ వేసి పోపు సిద్ధం చేసుకోండి. ఈ పోపును కోషంబరిలో వేసి మిక్స్ చేయండి. నిమ్మరసం, ఉప్పు వేసి బాగా కలపండి. చివరగా కొత్తిమీర చల్లి, మరోసారి కలిపి సర్వ్ చేయండి. ఈ రుచికరమైన పెసరపప్పు కోషంబరి ఆరోగ్యానికి మేలు చేసే పోషకాహారంతో పాటు, కర్ణాటక సంప్రదాయ భోజనంలో అద్భుత రుచిని అందిస్తుంది.