Ration Card: తెలంగాణలో రేషన్ కార్డు దరఖాస్తు ప్రక్రియ.. మీసేవా పోర్టల్‌లో ఎలా అప్లై చేయాలి?
ఈ వార్తాకథనం ఏంటి
తెలంగాణలో రేషన్ కార్డుల కోసం దరఖాస్తు ఫారాన్ని రిలీజ్ చేశారు. ఈ ఫారం మీసేవా పోర్టల్‌లో అందుబాటులో ఉంది. ప్రజలు తమ రేషన్ కార్డు కోసం దరఖాస్తు చేయాలంటే ఈ ఫారం ద్వారా ఆన్‌లైన్‌లో దరఖాస్తు చేసుకోవచ్చు. రేషన్ కార్డుల కోసం దరఖాస్తు ప్రక్రియకు సంబంధించి తాజా సమాచారం ప్రకారం, తెలంగాణ ప్రభుత్వం ఆహార, పౌర, వినియోగదారుల విభాగం ద్వారా రేషన్ కార్డులు అందించనుంది. ప్రస్తుతం, దరఖాస్తులు ఆఫ్‌లైన్ పద్ధతిలో అందుబాటులో ఉన్నాయి. రేషన్ కార్డు ఫారం డౌన్‌లోడ్ చేసుకోవడానికి అధికారిక వెబ్‌సైట్ https://meeseva.telangana.gov.in/ను చూడొచ్చు.
Details
రేషన్ కార్డు ఉంటే సన్నబియ్యం
కుటుంబ సభ్యుల పేరును రేషన్ కార్డులో జోడించాలనుకుంటే లేదా తీసేయాలనుకుంటే, అలాగే ఇతర మార్పులను చేయాలనుకుంటే ఈ ఫారం ఉపయోగపడుతుంది. ఫారం నింపి, సంబంధిత విభాగానికి లేదా అధికారిక వెబ్‌సైట్‌లో ఆన్‌లైన్‌లో సమర్పించాలి. లేకపోతే మీసేవా కేంద్రంలో రుసుము చెల్లించి రేషన్ కార్డు ఫారం సమర్పించవచ్చు. తెగవైన రేషన్ కార్డు ఉన్న వారికి ప్రభుత్వం సన్నబియ్యం అందించనుంది. రేషన్ కార్డు ఉంటే ప్రభుత్వ పథకాలను పొందడం సులభమవుతుంది. దీంతో పాటు ప్రతి నెలా బియ్యం, గోధుమలు వంటి ఆహార ధాన్యాలను ప్రభుత్వ నిర్ణయించిన తక్కువ ధరకు అందిస్తారు.
Details
కావాల్సిన పత్రాలు ఇవే
రేషన్ కార్డులలో తెల్ల రేషన్ కార్డు, పింక్ రేషన్ కార్డు, అంత్యోదయ అన్న యోజన కార్డు ఉన్నాయి. దరఖాస్తు చేయడానికి అవసరమైన పత్రాలు: ఆధార్ కార్డ్, నివాస ధ్రువీకరణ పత్రం, పాస్‌పోర్ట్ సైజు ఫొటో, వార్షిక ఆదాయం పత్రం, కుల ధ్రువీకరణ పత్రం, జన్మ ధ్రువీకరణ పత్రం, మొబైల్ నంబర్, చిరునామా వంటి పత్రాలు కావాలి. రేషన్ కార్డు దరఖాస్తు చేసిన తర్వాత దాని స్థితిని తెలుసుకోవాలంటే, మీరు కావాల్సిన వివరాలను పేర్కొని వెబ్‌సైట్‌లో తెలుసుకోవచ్చు.