ఇండియాలోని రిచ్ గ్రామాలు: పేరుకు పల్లెలు, ఆస్తులు మాత్రం వేల కోట్లు
ఈ వార్తాకథనం ఏంటి
పల్లెటూరు గురించి తక్కువగా మాట్లాడేవాళ్ళు ఇప్పుడు చెప్పబోయే రిచ్ గ్రామాల గురించి తప్పకుండా తెలుసుకోవాలి. సిటీని తలదన్నే ఇండ్లు, సంపాదన ఉన్న పల్లెల గురించి తెలుసుకుందాం.
మాధాపూర్- గుజరాత్
గుజరాత్ లోని కచ్ ప్రాంతంలో ఉండే ఈ గ్రామంలో 8వేల కుటుంబాలున్నాయి. ఇక్కడ అన్ని నేషనల్ బ్యాంకులు ఉన్నాయి. ఆ బ్యాంకుల్లో 8వేల కోట్లకు పైగా డబ్బులున్నాయట.
ఈ ప్రాంతంలోని రైతులు, మామిడి, ఖర్జూరం ఎక్కువగా పండిస్తారు. 1960నుండి ఇక్కడి రైతులు వ్యవసాయ సహకార సంఘం ఏర్పాటు చేసుకుని వ్యవసాయం చేస్తూ డబ్బులు సంపాదస్తున్నారు.
ఇక్కడ పండిన ఉత్పత్తులను ముంబైకి ఎగుమతి చేసి డబ్బు సంపాదిస్తారు. సిటీలో ఉండే అన్ని సౌకర్యాలు ఈ ఊరిలో ఉన్నాయి.
Details
అంకాపూర్-తెలంగాణ
నిజామాబాద్ జిల్లాలోని అంకాపూర్ గ్రామంలో, సాధారణ గ్రామంలా ఉండదు. మహానగరంలోని అతిసుందరమైన కాలనీలా అనిపిస్తుంది. ఈ పల్లెలో ఎక్కువమంది వ్యవసాయం చేస్తుంటారు.
కూరగాయలు, పసుపు పంటను ఎక్కువగా పండిస్తారు. విత్తనాలను పండించడం మొదలెట్టిన దగ్గరి నుండి అంకాపూర్ చరిత్ర మారిపోయింది.
ఇక్కడి రైతులు పొలాలకు వెళ్ళడానికి కార్లనే ఉపయోగిస్తారు. కూలీలను కూడా కార్లలోనే తీసుకెళ్తారంటే ఈ పల్లె ఎంత రిచ్చో అర్థం చేసుకోవచ్చు. మరో విషయం ఏంటంటే, అంకాపూర్ దేశి చికెన్ చాలా ఫేమస్.
Details
సఖినేటి పల్లి, మలికిపురం - ఆంధ్రప్రదేశ్
డాక్టర్ బీఆర్ అంబేద్కర్ కోనసీమ జిల్లాలోని సఖినేటి పల్లి, మలికిపురం మండలాల ప్రజలు ఎక్కువగా విదేశాలకు వెళ్తుంటారు. ఒకప్పుడు గల్ఫ్ దేశాలకు వెళ్ళిన వాళ్ళు, ఇప్పుడు ఇజ్రాయెల్, అమెరికా, ఇంగ్లండ్ దేశాల్లో పనిచేయడానికి వెళ్తున్నారు.
ఈ మండలాల్లోని గ్రామాలు ధనిక గ్రామాలుగా మారడానికి ముఖ్య కారణం, ఇతర దేశాల నుండి వచ్చిన డబ్బే. ఈ మండలాల్లోని ఏ గ్రామానికీ వెళ్ళినా అబ్బురపరిచే ఇండ్లు కనిపిస్తాయి.
అసలే కోనసీమ, అందులో అందమైన ఇండ్లతో ఈ రెండు మండలాలు మెరిసిపోతుంటాయి.
ఈ రెండు మండలాల నుండి రోజుకు కనీసం పదికి పైగా బస్సులు హైదరాబాద్ రాజీవ్ గాంధీ ఎయిర్ పోర్టుకు బయలుదేరతాయి. అంటే, విదేశాల నుండి వచ్చిపోయేవాళ్ళు ఎంతమంది ఉంటారో అర్థం చేసుకోవచ్చు.