Viral : ఒకే బిడ్డను మోసి జన్మనిచ్చిన స్వలింగ జంట.. చరిత్ర సృష్టించిన స్పెయిన్ కపుల్
ఈ వార్తాకథనం ఏంటి
స్వలింగ జంట చరిత్ర సృష్టించింది. ఇద్దరూ కలిసి ఒకే బిడ్డను తమ గర్భంలో మోసి జన్మనివ్వడం విశేషం.
స్పెయిన్ దేశానికి చెందిన ఎస్టీఫానియా, అజహారా స్వలింగ సంపర్క జంట అక్టోబర్‌ 30న ఓ పండంటి బిడ్డకు జన్మనిచ్చారు. అయితే వారిద్దరూ మహిళలే కావడం గమనార్హం.
ఈ క్రమంలోనే పిల్లల్ని కని, మాతృత్వపు మాధుర్యాన్ని అనుభవించాలని నిర్ణయించుకున్నారు. ఇందుకోసం ఓ ఫెర్టిలిటి కేంద్రాన్ని ఆశ్రయించారు.
ముందుగా ఎస్టీఫానియా మహిళా, గర్భంలో స్పెర్మ్‌ని ప్రవేశపెట్టారు. అనంతరం ఫలదీకరణం చెందేలా వైద్యులు కృషి చేశారు.
అక్కడితో ఆగకుండా ఐదు రోజుల తర్వాత ఆ పిండాన్ని అజహారా గర్భంలో ప్రవేశపెట్టారు. అలా ఇద్దరూ ఒకే బిడ్డను మోసి నవమాసాలు మోసి బిడ్డకు జన్మనిచ్చి అరుదైన అనుభూతిని పొందారు.
Details
బిడ్డ పుట్టడంతో తమ బంధం మరింత బలోపేతం అంటున్న స్వలింగ జంట
ఈ ప్రక్రియ కోసం ఈ జంట దాదాపుగా రూ.4.5 లక్షలు ఖర్చుచేశారు. తాము ఇద్దరం కలిసి జన్మనివ్వడం అంటే ఒకరిపట్ల మరొకరు తమ అనుబంధాన్ని మరింత బలపేతం చేసుకున్నట్లేనన్నారు.
దీంతో తమకు పట్టరాని సంతోషంగా ఉందని ఆ స్వలింగ దంపతులు అంటున్నారు.
అయితే ఇలా బిడ్డకు జన్మనివ్వడం వైద్య పరంగా ఇన్వోసెల్‌ (సంతానోత్పత్తి చికిత్స)గా పేర్కొంటారు.
గతంలోనే 2018లో అమెరికాలోని టెక్సాస్‌లో ఓ స్వలింగ జంట (ఇద్దరు మహిళలు) ఒకే బిడ్డను మోశారు. దీంతో ప్రపంచంలోనే తొలి స్వలింగ జంటగా నిలిచారు.
స్వలింగ జంటలకు ఈ సరికొత్త వైద్య విధానం వరంగా మారింది. ఈ ఆధునిక వైద్య విధానంతో సంతానం కోసం ఆశపడే దంపతులకు అద్భుతమైన చికిత్సగా నిలుస్తోంది.