Romantic Places: మీ భాగస్వామితో వాలెంటైన్స్ డే రోజున సందర్శించాల్సిన రొమాంటిక్ ప్రదేశాలపై ఓ లుక్కేయండి!
ఈ వార్తాకథనం ఏంటి
ఫిబ్రవరి నెలను ప్రేమ మాసంగా పరిగణిస్తారు. ఎందుకంటే ఈ నెలలో వాలెంటైన్స్ డే జరుపుకుంటారు. ప్రేమ పక్షులు వాలెంటైన్స్ వీక్‌లో తమ ప్రేమను వ్యక్తపరుచుకుంటూ ఈ కాలాన్ని ప్రత్యేకంగా జరుపుకుంటారు. ఈ కారణంగా జంటలు ఈ నెలలో రొమాంటిక్ హాలిడే ట్రిప్‌లు ప్లాన్ చేసుకుంటారు. మీరు కూడా మీ భాగస్వామితో ఫిబ్రవరిలో ఎక్కడికైనా వెళ్లాలని అనుకుంటే, ప్రేమపూర్వకంగా గడపడానికి మనదేశంలో ఉన్న కొన్ని ఉత్తమ ప్రదేశాలను మీకోసం అందిస్తున్నాం. 1) మహాబలేశ్వర్ మహారాష్ట్రలోని మహాబలేశ్వర్ కూడా ఫిబ్రవరిలో సందర్శించదగిన మరొక ఉత్తమమైన ప్రదేశం. పర్వతాలు, జలపాతాలు, సరస్సులు, పచ్చని లోయలు ఇవి ఈ ప్రదేశానికి ప్రత్యేకతను చేకూరుస్తాయి. జంటలు వీకెండ్ ట్రిప్‌లు ప్లాన్ చేసుకునేందుకు ఇదొక అద్భుతమైన గమ్యస్థానం.
Details
2) డార్జిలింగ్
పశ్చిమ బెంగాల్‌లోని డార్జిలింగ్, ఫిబ్రవరిలో సందర్శించదగిన అద్భుతమైన ప్రదేశాల్లో ఒకటి. ఈ ప్రదేశం ప్రత్యేకంగా తేయాకు తోటలతో, పచ్చటి ప్రకృతితో అలరారుతుంది. టైగర్ హిల్ నుంచి కనిపించే దృశ్యాలు, డార్జిలింగ్ హిమాలయన్ రైల్వేలోని సొగసైన ట్రిప్, అన్నీ కలిసి ఈ ప్రదేశాన్ని మరింత రొమాంటిక్‌గా మారుస్తాయి. మీ భాగస్వామితో కలిసి ఈ పచ్చని అందాలను ఆస్వాదించి, మధురమైన క్షణాలను గడపవచ్చు. 3) గోవా గోవా పేరు వినగానే అందరికీ గుర్తుకు వచ్చే బీచ్‌లు, సాంస్కృతిక వంటకాలు, సముద్రతీరం అందాలు ఇవి ఫిబ్రవరిలో గోవాను సందర్శించడానికి ఉత్తమ ప్రదేశంగా నిలబెడతాయి. మీ భాగస్వామితో గోవాలోని బీచ్‌లలో ఆనందంగా గడపొచ్చు. గోవాలోని ఈ ఆహ్లాదకర వాతావరణంలో మీ ప్రేమను మరింత నింపుకోండి.
Details
4) హంపి
యునెస్కో ప్రపంచ వారసత్వ ప్రదేశంగాప్రసిద్ధిగాంచిన హంపి, ఫిబ్రవరిలో జంటల కోసం ఆదర్శవంతమైన గమ్యస్థానం. ఇది పురాతన దృశ్యాలతో అలరారుతుందనే సంగతి ప్రత్యేకంగా చెప్పుకోవచ్చు. అరటితోటలు, కొండ చరియలతో కూడిన ఈ ప్రదేశం పురాతన చారిత్రక గమ్యస్థానానికి కూడా ప్రతీక. నాలుగైదు రోజుల విహారానికి హంపి అనువైనది. 5) ఉదయపూర్ రాజస్థాన్‌లోని ఉదయపూర్ ప్రేమ పక్షులకు రొమాంటిక్ ట్రిప్‌లకు ప్రసిద్ధి చెందిన ప్రదేశం. సరస్సుల నగరం అని పిలుచుకునే ఈ ప్రాంతం రాజభవనాలు, హవేలీలతో పాటు నీటి అందాలను చూసి మైమరిపోవచ్చు. ఉదయపూర్‌లో మీ భాగస్వామితో గడిపిన ప్రతి క్షణం మీ జీవితంలో మధుర జ్ఞాపకంగా నిలుస్తుంది. ఈ ప్రదేశాలు ఫిబ్రవరిలో ప్రేమ మాసాన్ని మరింత ప్రత్యేకంగా మార్చడానికి మీకోసం సిద్ధంగా ఉన్నాయి