Kidneys Health: కిడ్నీల ఆరోగ్యంగా ఉండాలంటే.. ఈ ఆహారాలను రోజూ తీసుకోండి
ఈ వార్తాకథనం ఏంటి
మానవ శరీరంలో ప్రతి అవయవం ప్రత్యేకమైన విధులను నిర్వహిస్తుంది. ఈ క్రమంలో కిడ్నీల పాత్ర అత్యంత ముఖ్యమైనది.
శరీరంలో పేరుకుపోయే వ్యర్థాలను వడబోసి, వాటిని మూత్రం ద్వారా బయటకు పంపించడం ద్వారా కిడ్నీలు శరీరాన్ని టాక్సిన్ల నుండి రక్షిస్తాయి.
ఈ విధంగా, మన శరీరం ఆరోగ్యంగా ఉంటుంది. అయితే ఆహారపు అలవాట్లు, జీవనశైలి, ఇతర కారణాల వలన కిడ్నీలు అనారోగ్య సమస్యలను ఎదుర్కొంటాయి.
ఇది కిడ్నీ స్టోన్స్ లేదా ఇతర వ్యాధులకు దారితీస్తుంది. కానీ కొన్ని రకాల ఆహారాలను తరచుగా తినడం ద్వారా కిడ్నీలను ఆరోగ్యంగా ఉంచుకోవచ్చు.
ఈక్రమంలో అన్ని పోషకాలతో కూడిన సంపూర్ణ పౌష్టికాహారాన్ని తీసుకోవడం ఎంతో ముఖ్యం. ముఖ్యంగా యాంటీ ఆక్సిడెంట్లు, తక్కువ సోడియం, పొటాషియంతో కూడిన ఆహారాన్ని ఎంచుకోవాలి.
వివరాలు
క్రాన్ బెర్రీలు:
క్రాన్ బెర్రీలు కిడ్నీల ఆరోగ్యానికి దోహదపడతాయి. ఇవి విటమిన్ సి,యాంటీ ఆక్సిడెంట్లతో సమృద్ధిగా ఉంటాయి. ప్రతి 100 గ్రాముల క్రాన్ బెర్రీలు 14 మిల్లీగ్రాముల విటమిన్ సి అందిస్తాయి. ఇవి మూత్రాశయ ఇన్‌ఫెక్షన్లను తగ్గించి, కిడ్నీలపై భారాన్ని తగ్గిస్తాయి.
ఆలివ్ ఆయిల్:
ఆలివ్ ఆయిల్‌లో ఆరోగ్యకరమైన కొవ్వులు, యాంటీ ఇన్‌ఫ్లామేటరీ గుణాలు ఉంటాయి. ఇది 884 క్యాలరీల శక్తి, 14 మిల్లీగ్రాముల విటమిన్ ఇ అందిస్తుంది. కిడ్నీల పనితీరును మెరుగుపరచడంలో ఇది సహాయపడుతుంది.
సముద్రపు చేపలు:
సముద్రపు చేపలలో ఒమెగా-3 ఫ్యాటీ యాసిడ్లు, విటమిన్ డి, విటమిన్ బి12 వంటి పుష్కల పోషకాలు ఉంటాయి. ఇవి శరీరంలోని వాపులను తగ్గించి, రక్తపోటును నియంత్రిస్తాయి. కిడ్నీల పనితీరును మెరుగుపరుస్తాయి.
వివరాలు
యాపిల్స్:
100 గ్రాముల యాపిల్స్ 2.4 గ్రాముల ఫైబర్, 4.6 మిల్లీగ్రాముల విటమిన్ సి అందిస్తాయి. ఇవి షుగర్ లెవల్స్‌ను నియంత్రించి, కొలెస్ట్రాల్‌ను తగ్గిస్తాయి.
వెల్లుల్లి:
వెల్లుల్లిలో సోడియం తక్కువగా ఉండటం వల్ల కిడ్నీల ఆరోగ్యానికి మేలు చేస్తుంది. ఇందులో యాంటీ ఇన్‌ఫ్లామేటరీ గుణాలు కూడా అధికంగా ఉంటాయి.
బ్లూబెర్రీలు:
బ్లూబెర్రీలు యాంటీ ఆక్సిడెంట్లు, ఆంథో సయనిన్స్‌తో పుష్కలంగా ఉంటాయి. ఇవి శరీరంలోని వాపులను తగ్గించి, ఆక్సీకరణ ఒత్తిడిని తగ్గిస్తాయి.
ఈ విధంగా పలు రకాల ఆరోగ్యకరమైన ఆహారాలను ఆహారంలో భాగం చేయడం ద్వారా కిడ్నీ వ్యాధులను నివారించవచ్చు మరియు కిడ్నీలను ఆరోగ్యంగా ఉంచుకోవచ్చు.