Constitution Day: రాజ్యాంగాన్ని రూపొందించడంలో మహిళలదీ ప్రధానపాత్రే.. ఏకంగా 15 మంది నారీమణులు
ఈ వార్తాకథనం ఏంటి
భారత రాజ్యాంగం రూపకల్పనలో మహిళలు ఎంతో ప్రధానమైన పాత్ర పోషించారు.
రాజ్యాంగ సభలో మొత్తం 15 మంది మహిళలు సభ్యులుగా ఉండడం గమనార్హం. వీరిలో ఒక దళిత మహిళ కూడా ఉండటం మరింత ప్రత్యేకం.
వారు మహిళల హక్కులు, సమానత్వం, సామాజిక న్యాయం వంటి అంశాలను చర్చించి, సుస్థిరమైన భవిష్యత్తు కోసం కీలకమైన సూచనలు చేశారు.
వివరాలు
1. అన్నీ మస్కరీన్‌
కేరళలోని తిరువనంతపురం స్వస్థలమైన అన్నీ మస్కరీన్‌ ట్రావెన్‌కోర్‌లో తొలి మహిళా మంత్రి కావడం విశేషం. ఆమె రాజకీయాల్లో మహిళల ప్రాతినిథ్యం పెరగాలనే అభిప్రాయంతో రాజ్యాంగాన్ని భావి తరాలకు అనుగుణంగా రూపొందించాలని వాదించారు.
2. హంస జీవరాజ్‌ మెహతా
ఇంగ్లండ్‌లో చదువుకున్న హంస మెహతా మహిళల హక్కుల కోసం రాజ్యాంగ సభలో గట్టి వాదనలు చేశారు. మహిళలకు రిజర్వేషన్లు అవసరమని ఆమె నిర్ద్వంద్వంగా పునరుద్ఘాటించారు.
3. దాక్షాయణి వేలాయుధన్‌
దాక్షాయణి, రాజ్యాంగ సభలో పాల్గొన్న తొలి దళిత మహిళ. ఆమె అంటరానితన నిర్మూలన కోసం రాజ్యాంగంలోని ఆర్టికల్ 17కు మద్దతు తెలిపారు.
వివరాలు
4. అమృత్ కౌర్‌
లఖ్‌నవూలో జన్మించిన అమృత్ కౌర్‌ రిజర్వేషన్లకు వ్యతిరేకంగా మహిళల సాధారణ ఎన్నికల ద్వారా చట్టసభల్లోకి రావడమే సమానత్వానికి మార్గమని నమ్మారు.
5. అమ్ము స్వామినాథన్‌
కేరళలో జన్మించిన అమ్ము స్వామినాథన్‌, మహిళల ఆర్థిక, సామాజిక సమస్యల పరిష్కారానికి కృషి చేశారు. ఆమె అంటరానితన నిర్మూలనకు మద్దతు ఇచ్చారు.
6. దుర్గాభాయ్‌ దేశ్‌ముఖ్‌
రాజమండ్రిలో జన్మించిన దుర్గాభాయ్‌, స్వాతంత్య్ర పోరాటంలో చురుకుగా పాల్గొన్నారు. రాజ్యాంగ పరిషత్‌లో న్యాయపరమైన అంశాలపై ఆమె కీలక పాత్ర పోషించారు.
7. బేగం ఐజాజ్‌ రసుల్‌
రాజ్యాంగ సభలో ఏకైక ముస్లిం మహిళగా ఉన్న బేగం ఐజాజ్‌, మత ఆధారంగా రిజర్వేషన్లను వ్యతిరేకించారు. మైనారిటీ వర్గాల శ్రేయస్సు కోసం ఆమె సూచనలు చేశారు.
వివరాలు
8. విజయలక్ష్మి పండిట్‌
జవహర్‌లాల్‌ నెహ్రూ సోదరి విజయలక్ష్మి, భారత రాజ్యాంగం రూపకల్పనలో ప్రధానమైన నాయకత్వం అందించారు.
9. కమలా చౌదరి
స్వాతంత్య్ర ఉద్యమంలో మహాత్మా గాంధీ స్ఫూర్తితో పనిచేసిన కమలా చౌదరి, మహిళల ఐక్యత కోసం కృషి చేశారు.
10. లీలా రాయ్‌ లీలారాయ్‌
మహిళలను రాజకీయాల్లో చేర్చడంపై శ్రద్ధ పెట్టారు. దేశ విభజనకు నిరసనగా రాజ్యాంగ సభ నుండి బయటకు వెళ్లారు.
11. సుచేతా కృపాలినీ
మహిళా విభాగ స్థాపనలో ముందంజలో ఉన్న సుచేతా, దేశంలోని తొలి మహిళా ముఖ్యమంత్రిగా చరిత్ర సృష్టించారు.
12. మాలతీ చౌదరి
సమాజంలోని బలహీన వర్గాల అభ్యున్నతి కోసం ఒడిశాలో 'బాజీరౌత్‌ ఛత్రవాస్‌' సంస్థను స్థాపించారు.
వివరాలు
13. పూర్ణిమా బెనర్జీ
పూర్ణిమా, విద్యార్థుల్లో సమానత్వం, మత సామరస్యం ప్రోత్సహించేందుకు ప్రభుత్వ బాధ్యతను పేర్కొన్నారు.
14. రేణుకా రాయ్‌
రేణుకా, ఆస్తిలో మహిళల వారసత్వ హక్కుల పట్ల గట్టిగా ఆవాజు వినిపించారు.
15. సరోజినీ నాయుడు
సరోజినీ నాయుడు, స్వాతంత్య్ర పోరాటంలో ప్రముఖ నాయకురాలు. జాతీయ జెండా ప్రాముఖ్యతను రాజ్యాంగ సభలో వివరించారు.
ఈ మహానుభావుల కృషి భారత రాజ్యాంగాన్ని సమగ్రంగా రూపొందించడంలో కీలకమైంది.