నగరాల్లో గాలి కాలుష్యాన్ని నివారించేందుకు లిక్విడ్ ట్రీస్ వచ్చేస్తున్నాయ్
గాలి కాలుష్యాన్ని నివారించడానికి మొక్కలు నాటడమనేది సరైన ప్రయత్నమని అందరికీ తెలుసు. కానీ నగరాల్లో మొక్కలు నాటడానికి స్థలం కూడా దొరకదు. మరి అక్కడ కార్బన్ డై ఆక్సైడ్ ని ఆక్సిజన్ గా మార్చాలంటే ఎలా? దానికోసమే లిక్విడ్ ట్రీస్ ని కనుగొన్నారు. అంటే: సెర్బియన్ సైంటిస్టులు కనుగొన్న లిక్విడ్ ట్రీ పరికరం వల్ల కార్బన్ డై ఆక్సైడ్, ఆక్సిజన్ గా మారుతుంది. దీనికి లిక్విడ్ 3 అని పేరు పెట్టారు. ఇదొక ఫోటో బయో రియాక్టర్. ఇది ఎక్కడ ఉంది: సెర్బియాలోని బెల్ గ్రేడ్ నగరంలో స్టారిగ్రేడ్ మున్సిపాలిటీ ముందు లిక్విడ్ 3 పరికరాన్ని ఉంచారు. అచ్చం మొక్కల వలె, కార్బన్ డై ఆక్సైడ్ ను పీల్చుకుని ఆక్సిజన్ ను వదులుతుంది.
ఫోటో సింథసిస్ కారణంగా ఆక్సిజన్ గా మారే గాల్లోని కార్బన్ డై ఆక్సైడ్
లిక్విడ్ 3 ఎలా పనిచేస్తుంది: గ్లాస్ ట్యాంక్ మాదిరిగా ఉండే ఫోటో బయో రియాక్టర్ లో 600లీటర్ల నీరు ఉంటుంది. అలాగే ఆ నీటిలో మైక్రో ఆల్గే ఉంటుంది. ఈ ట్యాంక్ పైన సొలార్ ప్లేట్ ఉండడం వల్ల చిన్న పంప్ ఆన్ ఐపోయి, ట్యాంకుకు ఉన్న చిన్న రంధ్రాలు తెరుచుకుంటాయి. అప్పుడు సూర్యకిరణాలు మైక్రో ఆల్గే మీద పడి ఫోటో సింథసిస్ (కిరణ జన్య సంయోగక్రియ) ప్రక్రియ జరుగుతుంది. ఈ పద్దతి కారణంగా, గాల్లో ఉన్న కార్బన్ డై ఆక్సైడ్ నీళ్ళలో కలిసిపోయి ఆక్సిజన్ గా బయటకు విడుదలవుతుంది. నగర ప్రాంతాల్లో మొక్కలను పెంచడం కష్టం కాబట్టి ఇలాంటి లిక్విడ్ ట్రీ ట్యాంకులను ఏర్పాటు చేసుకుంటే మంచిదని చాలామంది అభిప్రాయ పడుతున్నారు.
