బరువు తగ్గడం: పొట్ట చుట్టూ కొవ్వును తగ్గించే ఆయుర్వేద పద్దతులు
ఈ వార్తాకథనం ఏంటి
పొట్ట చుట్టూ పేరుకున్న కొవ్వును కరిగించడం అనేది చాలా పెద్ద టాస్క్. దీనికోసం చాలా మంది చాలా ప్రయత్నాలు చేస్తుంటారు. అయినా కూడా విఫలం అవుతుంటారు.
ఈ కొవ్వును కరిగించే పద్దతి చలికాలంలో ఇంకా కష్టం. ఎందుకంటే ఇతర కాలాలతో పోలిస్తే చలికాలంలో శరీర కదలికలు తక్కువగా ఉంటాయి. దానివల్ల పొట్ట చుట్టూ కొవ్వు పేరుకుపోతుంటుంది.
ఈ కొవ్వు చాలా ప్రమాదకరమైనది. దీన్ని నిర్లక్ష్యం చేస్తే డయాబెటిస్, గుండె సంబంధ వ్యాధులు వచ్చే అవకాశం ఉంటుంది. ఐతే ఆయుర్వేదంతో ఈ కొవ్వును కరిగించవచ్చు.
దానికోసం ఏం చేయాలో ఇక్కడ తెలుసుకుందాం. ముందుగా గోరు వెచ్చని నీటిని పొద్దున్న లేవగానే తాగాలి. దీనివల్ల శరీర కణాల్లో ఉత్తేజం కలుగుతుంది. జీవక్రియ మెరుగుపడుతుంది.
బరువు తగ్గడం
కొవ్వును కరిగించే మరిన్ని పద్దతులు
మెంతులు: నానబెట్టిన మెంతులను ఉదయం లేవగానే తినడం వల్ల పొట్టచుట్టూ పేరుకున్న కొవ్వు కరిగిపోతుంది. ఖాళీ కడుపుతో తాగితే మంచి ఫలితం ఉంటుంది.
శొంఠి: ఒక చెంచా శోంఠి తీసుకుని మరుగుతున్న నీళ్ళలో వేసి, ఆ నీళ్ళు చల్లారాక తాగాలి. ఇది కొవ్వును కరిగించడంలో బాగా హెల్ప్ చేస్తుంది. అంతేకాదు జీవక్రియ మెరుగుపడుతుంది.
యోగా: ఈ మధ్య చాలా మంది యోగా వైపు చూస్తున్నారు. పొద్దున్న లేవగానే కనీసం 40నిమిషాలు సూర్యనమస్కారం, ఇంకా ఇతర కొవ్వును కరిగించే యోగాసనాలు చేస్తే మంచి ఫలితం ఉంటుంది.
వేగంగా నడవడం: చాలా సులభంగా కొవ్వును కరిగించుకోవాలనుకుంటే ఇది అత్యుత్తమ మార్గమని చెప్పవచ్చు. ఉదయం లేవగానే ఒక అరగంట సేపు వేగంగా నడవాలి.