World Wildlife Day 2025: ప్రపంచ వన్యప్రాణి సంరక్షణ దినోత్సవం.. ప్రాముఖ్యత, చరిత్ర ఇదే..!
ఈ వార్తాకథనం ఏంటి
అంతరించిపోతున్న వన్యప్రాణులను రక్షించేందుకు ప్రతి సంవత్సరం మార్చి 3న ప్రపంచ వన్యప్రాణి దినోత్సవాన్ని జరుపుకుంటారు.
ఈ దినోత్సవం ప్రధాన ఉద్దేశం సహజ వనరుల ప్రాముఖ్యతను అర్థం చేసుకోవడం, వాటిని పరిరక్షించాల్సిన అవసరాన్ని ప్రజల్లో పెంచడం.
ఈ రోజును జరుపుకోవడం ద్వారా వన్యప్రాణుల సంరక్షణకు ప్రపంచవ్యాప్తంగా అవగాహన పెంచేలా ప్రోత్సాహం కల్పించబడుతుంది.
గతంలో అంతర్జాతీయ వన్యప్రాణుల అక్రమ వాణిజ్యాన్ని నిరోధించేందుకు ఐక్యరాజ్య సమితి కీలకమైన నిర్ణయాలను తీసుకుంది.
అంతరించిపోతున్న జాతులను రక్షించేందుకు చర్యలు తీసుకోవాలనే ఉద్దేశంతో 2013 డిసెంబర్ 20న ఐక్యరాజ్యసమితి జనరల్ అసెంబ్లీ, ప్రతి సంవత్సరం మార్చి 3న ప్రపంచ వన్యప్రాణి దినోత్సవాన్ని అధికారికంగా నిర్వహించాలని నిర్ణయించింది.
వివరాలు
వన్యప్రాణుల సంరక్షణకు చారిత్రక నిర్ణయం
1973 మార్చి 3న, అంతర్జాతీయ వన్యప్రాణుల వ్యాపారాన్ని నియంత్రించేందుకు ఐక్యరాజ్యసమితి జనరల్ అసెంబ్లీ (United Nations General Assembly) ఒక చారిత్రక ఒప్పందంపై సంతకం చేసింది.
ఈ కారణంగా, అదే తేదీని ప్రపంచ వన్యప్రాణి దినోత్సవంగా నిర్ణయించారు. 2014 మార్చి 3న మొదటిసారిగా ఈ దినోత్సవాన్ని జరుపుకున్నారు.
వివరాలు
వన్యప్రాణి దినోత్సవ ప్రాముఖ్యత
వన్యప్రాణులు గల్లంతవ్వడం వల్ల పర్యావరణ సమతుల్యత మాత్రమే కాదు, మన అభివృద్ధి కూడా ప్రభావితమవుతుంది.
అడవి జంతువులు, వృక్షజాలం, అటవీ ప్రాంతాల పరిరక్షణ అనేది తప్పనిసరి.
ఇవి మనకు శ్వాసక్రియ, భూస్థిరత, ప్రకృతి సంపదల వంటి అనేక ప్రయోజనాలను అందిస్తాయి. వన్యప్రాణుల పరిరక్షణ కోసం ఐక్యరాజ్యసమితి లక్ష్యాలను అనుసరిస్తూ మనమందరం ముందుకు సాగాలి.
సహజ వనరుల వినియోగాన్ని సమతుల్యం చేయాలి. అంతరించిపోతున్న జాతుల సంరక్షణకు ప్రత్యేక కార్యాచరణ రూపొందించాలి. వన్యప్రాణుల సంరక్షణ కోసం అన్ని దేశాలు కలిసికట్టుగా ప్రయత్నించాలి.