వ్యాయామం చేసిన తర్వాత శరీరానికి ప్రశాంతతను అందించడానికి చేయాల్సిన యోగాసనాలు
ఈ వార్తాకథనం ఏంటి
వ్యాయామానికి ముందు శరీరాన్ని వేడి చేసుకోవడానికి వార్మప్ ఎలా చేస్తామో వ్యాయామం తర్వాత శరీరానికి ప్రశాంతతను అందించడానికి కొన్ని ఎక్సర్ సైజెస్ అవసరం అవుతాయి.
అయితే ప్రస్తుతం శరీరానికి ప్రశాంతతను అందించే యోగాసనాలు ఎలా వేయాలో తెలుసుకుందాం.
బాలాసనం:
మోకాళ్ళ మీద కూర్చుని నడుము కిందకు వంచి తలను నేలకు ఆనించాలి. చేతులను తలకు సమాంతరంగా నేలకు తాకేవిధంగా చాపాలి. ఈ స్థితిలో మూడు నిమిషాలుండాలి.
దీనివల్ల మీ మెదడు, నరాలు రిలాక్స్ అవుతాయి.
పశ్చిమోత్థాసనం:
నేల మీద కాళ్ళను ముందు చాపి కూర్చోవాలి. ఇప్పుడు తలను మోకాళ్ళ దగ్గరకు వంచాలి. అలాగే మీ చేతులతో కాలి బొటనవేళ్లను పట్టుకోవాలి.
ఈ ఆసనం వల్ల మీ నడుము, చేతులు, కాళ్ళకు ప్రశాంతత లభిస్తుంది.
Details
శరీరానికి ప్రశాంతతను అందించే యోగాసనాలు
భుజంగాసనం:
బోర్లా పడుకుని భుజాల పక్కన అరచేతులను ఆనించి, కేవలం నడుము భాగం వరకు మాత్రమే పైకి లేపాలి. ఈ పొజిషన్ లో 20-30సెకన్ల పాటు ఉండాలి. ఇలా కొన్నిసార్లు చేస్తే మంచి ఫలితం ఉంటుంది.
సేతు బంధ సర్వాంగసనం:
వెల్లకిలా పడుకుని మోకాళ్ళను వంచాలి. కుడి చేతిలో కుడి కాలి మడమను, ఎడమ చేతితో ఎడమ కాలి మడమను పట్టుకుని తల భాగాన్ని నేలమీదే ఉంచి, నడుము భాగాన్ని గాల్లోకి లేపాలి.
విపరీత కారణి:
గోడకు ముఖం చేస్తూ దగ్గరగా కూర్చోండి. ఇప్పుడు కాళ్ళను పైకి లేపాలి. ఆ తర్వాత నడుము భాగాన్ని కూడా లేపి మీ చేతులతో నడుము భాగాన్ని పట్టుకోండి. దీనివల్ల శరీరంలో రక్తప్రసరణ సరిగ్గా జరుగుతుంది.