ఎక్స్ లో కీలక మార్పు: ఇకపై రిప్లయ్ ఇచ్చే అవకాశమూ పోయినట్టే!
ఈ వార్తాకథనం ఏంటి
సోషల్ మీడియా ప్లాట్ ఫామ్ ఎక్స్ లో కీలక మార్పులు చోటు చేసుకుంటున్నాయి.
ట్విట్టర్ అనే పేరు నుండి ఎక్స్ గా మారడం వరకు ఎక్స్ ఫ్లాట్ ఫామ్ లో అనేక మార్పులు వచ్చాయి. తాజాగా మరొక మార్పు జరిగింది.
ఇకపై ఎక్స్ ఫ్లాట్ ఫామ్ లో ఎవరు పడితే వాళ్ళు రిప్లయ్ ఇచ్చే అవకాశం లేదు. కేవలం వెరిఫైడ్ యూజర్లు మాత్రమే రిప్లయ్ ఇచ్చే సదుపాయాన్ని ఎక్స్ కల్పిస్తోంది.
ఇదివరకు ఎవరు ఏ పోస్ట్ పెట్టినా కూడా ఎవరైనా రిప్లయ్ ఇచ్చే అవకాశం ఉండేది. కానీ ఇప్పుడు కేవలం వెరిఫైడ్ యూజర్లు మాత్రమే రిప్లయ్ ఇచ్చేలా ఫీచర్ ని తీసుకువచ్చింది.
Details
గతంలో రిప్లయ్ విషయంలో ఉండే ఆప్షన్స్
గతంలో ఎక్స్ లో రిప్లయ్ విషయంలో కొన్ని ఆప్షన్లు కనిపించేవి.
వాటిల్లో ఎవ్వరైనా రిప్లయ్ ఇవ్వొచ్చు,, మిమ్మల్ని ఫాలో అయ్యే వాళ్ళు మాత్రమే ఇవ్వొచ్చు, లేదా మీరు మెన్షన్ చేసిన వాళ్లు మాత్రమే అనే ఆప్షన్స్ కనిపించేవి.
ప్రస్తుతం వెరిఫైడ్ యూజర్స్ అనే ఆప్షన్ ని కూడా అందులో చేర్చారు. అంటే మీరు పెట్టిన పోస్ట్ కి కేవలం వెరిఫైడ్ యూజర్లు మాత్రమే రిప్లయ్ ఇవ్వాలని మీరు భావిస్తే ఆ ఆప్షన్ ని ఎంచుకోవచ్చు.
దీనివల్ల ఇతర యూజర్లు రిప్లయ్ ఇవ్వడానికి సాధ్యపడదు. ఎక్స్ తీసుకొచ్చిన ఈ మార్పు కారణంగా ట్రోలింగ్ బెడద తగ్గుతుందని కొందరు నెటిజెన్లు కామెంట్లు చేస్తున్నారు.