Google for India 2024: తెలుగుతో పాటు మరో 8ఇతర భాషలలో గూగుల్ జెమిని లైవ్..'గూగుల్ ఫర్ ఇండియా' ఈవెంట్ మొదలు
ఈ వార్తాకథనం ఏంటి
అమెరికాకు చెందిన ప్రముఖ టెక్ సంస్థ గూగుల్, 'గూగుల్ ఫర్ ఇండియా' ఈవెంట్‌ను నేడు ప్రారంభించింది.
ఈ ఈవెంట్‌లో, గూగుల్ జెమిని లైవ్‌ను విడుదల చేసింది. దీనితో పాటు, కంపెనీ తన 'మేక్ ఇన్ ఇండియా' కార్యక్రమాన్ని మరింత విస్తరించేందుకు కూడా ప్రణాళికలు రూపొందించింది.
భారతదేశంలో ఇంటర్నెట్ సదుపాయం, డిజిటల్ అక్షరాస్యతను పెంపొందించడం, సాంకేతికత ఆధారంగా కొత్త పరిష్కారాలు అందించడంపై గూగుల్ దృష్టి పెట్టింది.
ఈ సర్వీస్ ఇప్పటికే ఇంగ్లీష్‌లో అందుబాటులో ఉండగా, గూగుల్ ఇప్పుడు దీన్ని తెలుగు సహా మరో 8 భారతీయ భాషలలో ప్రవేశపెట్టింది.
ఈ సేవను ఈరోజు నుంచే వినియోగదారులు ఉపయోగించుకోవచ్చు. గూగుల్ జెమిని లైవ్ ద్వారా, ఎవరైనా జెమిని లైవ్‌కి ప్రశ్నలు అడిగి సమాధానాలు పొందవచ్చు.
వివరాలు
వినియోగదారులకు ఈ ఫీచర్ మరింత చేరువ కావాలని గూగుల్ లక్ష్యం
ఈరోజు జరిగిన గూగుల్ ఫర్ ఇండియా 2024 ఈవెంట్‌లో, గూగుల్ సెర్చ్ టీమ్ ప్రొడక్ట్ లీడ్ హేమా బూదరాజు ఈ విషయాన్ని వెల్లడించారు.
కొత్తగా జోడించిన భాషలలో హిందీ, బెంగాలీ, గుజరాతీ, కన్నడ, మలయాళం, మరాఠీ, తెలుగు, తమిళం, ఉర్దూ ఉన్నాయి.
ఈ విస్తరణ ద్వారా భారతదేశంలోని విస్తృత వినియోగదారులకు ఈ ఫీచర్ మరింత చేరువ కావాలని గూగుల్ లక్ష్యంగా పెట్టుకుంది.