LOADING...
Google: 'జెమిని ఫర్ హోమ్'..స్మార్ట్ హోం కోసం కొత్త అసిస్టెంట్ పరిచయం చేసిన గూగుల్.. 
'జెమిని ఫర్ హోమ్'..స్మార్ట్ హోం కోసం కొత్త అసిస్టెంట్ పరిచయం చేసిన గూగుల్..

Google: 'జెమిని ఫర్ హోమ్'..స్మార్ట్ హోం కోసం కొత్త అసిస్టెంట్ పరిచయం చేసిన గూగుల్.. 

వ్రాసిన వారు Sirish Praharaju
Aug 20, 2025
11:52 pm

ఈ వార్తాకథనం ఏంటి

గూగుల్ తన స్మార్ట్ హోం ఎకోసిస్టమ్‌లో పెద్ద అప్‌గ్రేడ్‌ను ప్రకటించింది. దీన్ని 'జెమిని ఫర్ హోమ్' అని పిలుస్తున్నారు. కొత్త వాయిస్ అసిస్టెంట్ గూగుల్ జెమిని AI ఆధారంగా పనిచేస్తుంది. భవిష్యత్తులో నెస్ట్ స్మార్ట్ స్పీకర్స్, డిస్ప్లేలో ప్రస్తుతం ఉన్న గూగుల్ అసిస్టెంట్‌ను మార్చివేయనుంది. ఈ అప్‌డేట్ వాడినవారికి హ్యాండ్‌ఫ్రీగా స్మార్ట్ లైట్లు ఆన్/ఆఫ్ చేయడం, సంగీతం వింటూ టైమర్ సెట్ చేయడం, ప్రశ్నలకు జవాబు ఇవ్వడం వంటి పనులను సులభతరం చేస్తుంది.

వివరాలు 

గూగుల్ హోమ్ కోసం పెద్ద అప్‌గ్రేడ్

'జెమిని ఫర్ హోమ్' గూగుల్ హోమ్ కోసం సొంతంగా పెద్ద అప్‌గ్రేడ్ అవ్వబోతోంది. ఇది ఆరు సంవత్సరాల క్రితం ప్రారంభమైన మొదటి స్మార్ట్ డిస్ప్లే తర్వాతి అతిపెద్ద అప్‌డేట్ కావచ్చనే అంచనాలు ఉన్నాయి. "జెమిని ఫర్ హోమ్ వాడితే వాడే అనుభవం పూర్తిగా కొత్తగా అనిపిస్తుంది" అని గూగుల్ హోమ్,నెస్ట్ చీఫ్ ప్రొడక్ట్ ఆఫీసర్ అనిశ్ కట్టుకరణ్ ఒక బ్లాగ్‌లో పేర్కొన్నారు. ఈ కొత్త అసిస్టెంట్ గూగుల్ AI మోడల్స్' అడ్వాన్స్ రీజనింగ్, ఇన్ఫరెన్స్, సెర్చ్ సామర్థ్యాలు వినియోగించి మరింత సహజమైన ఇంటరాక్షన్‌కు అనుగుణంగా రూపొందించారు.

వివరాలు 

కాంప్లెక్స్ రిక్వెస్ట్‌లకు స్పందించే జెమిని ఫర్ హోమ్ 

జెమిని ఫర్ హోమ్ కాంటెక్ట్, న్యూస్, ఉద్దేశాలను మరింత బాగా అర్థం చేసుకోవడానికి రూపొందించబడింది. ఉదాహరణకి, "నా బెడ్రూం తప్ప అన్ని లైట్లు ఆఫ్ చేయు" లేదా "పర్ఫెక్ట్‌గా బ్లాంచ్ చేసిన బ్రోకోలి కోసం టైమర్ సెట్ చేయి" వంటి కాంప్లెక్స్ ఆదేశాలకు సరిగ్గా స్పందించగలదు. జాబితాలు, కేలెండర్ ఎంట్రీలు, రిమైండర్స్ వంటి పనులను కూడా ఈ కొత్త అసిస్టెంట్ సులభతరం చేస్తుంది. మరో ముఖ్య అప్‌గ్రేడ్ జెమిని లైవ్ ఇంటిగ్రేషన్, దీని ద్వారా "హే గూగుల్" అని మళ్ళీ మళ్ళీ చెప్పకుండా కూడా సహజ సంభాషణలు చేయవచ్చు.

వివరాలు 

అమెజాన్ అలెక్సా ప్లస్‌కు సమాధానం

జెమిని ఫర్ హోమ్ లాంచ్ అమెజాన్ జెనరేటివ్ AI ఆధారిత అలెక్సా ప్లస్కి ప్రతిస్పందనగా వచ్చింది. ఇప్పటికే దీనిని లక్షల మందీ వాడుతున్నారు. గూగుల్ జెమిని ఫర్ హోమ్ ద్వారా కొన్ని చిన్న అప్‌గ్రేడ్స్ చేసినప్పటికీ, ఇది వాయిస్ అసిస్టెంట్ రంగంలో పెద్ద అడుగు అని చెప్పవచ్చు. అయినప్పటికీ, గూగుల్ దీనికి పెయిడ్ టియర్ కోసం అమెజాన్ విధానం (Nest Aware లేదా Google One) అనుసరిస్తుందో చూడాలి.

వివరాలు 

అక్టోబర్‌లో అందుబాటులోకి రానున్న జెమిని ఫర్ హోమ్ 

గూగుల్ అక్టోబర్‌లో అర్న్లీ యాక్సెస్ ప్రోగ్రామ్ ద్వారా జెమిని ఫర్ హోమ్‌ను విడుదల చేసే ప్లాన్ ఉంది. ఉచిత,సబ్‌స్క్రిప్షన్ ఆధారిత టియర్స్ ఉంటాయి. అయితే, అమెజాన్ అలెక్సా ప్లస్ లాంటి విధంగా మెల్లగా, స్టెప్ బై స్టెప్ వాడకానికి అందుబాటులోకి తెస్తారు. గూగుల్ 2021 తర్వాత తన స్మార్ట్ స్పీకర్స్ లేదా డిస్ప్లేలను రిఫ్రెష్ చేయలేదు. ఈ అప్‌డేట్ ను దృష్టిలో ఉంచుకుని, కొత్త హార్డ్‌వేర్ కూడా ఈ సంవత్సరం చివరలో విడుదల కావచ్చని అంచనా.