Google Photos: భారత ఆండ్రాయిడ్ వినియోగదారుల కోసం.. గూగుల్ ఫోటోస్ లో కొత్త AI ఫీచర్లు విడుదల
ఈ వార్తాకథనం ఏంటి
భారత్లోని ఆండ్రాయిడ్ వినియోగదారుల కోసం Google Photosలో కొత్త AI ఆధారిత ఫీచర్లు గూగుల్ అందుబాటులోకి తెచ్చింది. ఈ ఫీచర్ల వల్ల ఫోటోలు సవరించడం మరింత సులభమవుతుంది. ఇక సాధారణ వాక్యాలతోనే ఫోటోలను ఎడిట్ చేయడం సాధ్యమవుతుంది. అదనంగా, గూగుల్ Gemini AI ఆధారిత ఇమేజ్ జనరేటర్ 'Nano Banana'ను కూడా Google Photos ఎడిటర్లోకి ప్రవేశపెట్టింది. ఈ ఫీచర్లు ప్రాంతీయ భాషల్లో కూడా లభించడంతో, భారత వినియోగదారులకు మరింత సౌకర్యవంతంగా మారతాయి.
వివరాలు
Conversational Editing ఫీచర్
ఈ ఫీచర్ ద్వారా, వినియోగదారులు ఫోటోలో ఏ మార్పులు చేయాలనుకుంటున్నారో వాక్యాల రూపంలో టైప్ చేయవచ్చు. ఉదాహరణకు.. బ్యాక్గ్రౌండ్ బ్లర్ చేయి గ్లేర్ తొలగించు కలర్స్ మరింత ఆకర్షణీయంగా చేయి వీటిని టైప్ చేసిన వెంటనే, Google Photos ఆ మార్పులను ఆటోమేటిక్గా అమలు చేస్తుంది. దీనికి, ఫోటో ఓపెన్ చేసి "Help me edit" ఆప్షన్ను ట్యాప్ చేయాలి.
వివరాలు
Personalised Edits ఫీచర్
గూగుల్, గ్రూప్ ఫోటోలలో సాధారణంగా ఎదురయ్యే సమస్యలను పరిష్కరించడానికి Personalised Edits ఫీచర్ను ప్రవేశపెట్టింది. ఈ ఫీచర్, వినియోగదారుల ప్రైవేట్ ఫేస్ గ్రూప్లలోని ఫోటోలను ఆధారంగా తీసుకుని, వ్యక్తిగతంగా సవరింపులు చేస్తుంది. ఉదాహరణకు.. ఒక వ్యక్తి సన్గ్లాసెస్ తీసేయడం ఒక వ్యక్తిని నవ్వేలా చేయడం ఇలా, గ్రూప్ ఫోటోలలో మార్పులు మరింత సులభంగా, ప్రామాణికంగా చేయవచ్చు.
వివరాలు
Google Photosలో Nano Banana
Google Photos ఎడిటర్లో ఇప్పుడు Gemini AI ఆధారిత ఇమేజ్ జనరేటర్ 'Nano Banana' అందుబాటులో ఉంది. ఫోటోలను కొత్త స్టైల్స్లో మార్చడం AI ఆధారిత టెంప్లేట్స్ ఉపయోగించడం ఫోటోలను రీస్టైల్ చేయడం వినియోగదారులు కావలసిన స్టైల్ వివరాలను ఇచ్చినట్లే, Nano Banana ఆ ఫోటోను ఆ విధంగా మార్చుతుంది. ఏ ఫోన్లలో అందుబాటులో ఉంటాయి? Android 8.0 లేదా అంతకంటే పై వెర్షన్ కనీసం 4GB RAM ఉన్న ఫోన్లు హిందీ, తమిళం, తెలుగు, మరాఠీ, బెంగాలీ, గుజరాతీ వంటి భాషలకు మద్దతు
వివరాలు
AI ఎడిటింగ్లో గూగుల్ దూకుడు
ఈ కొత్త AI ఫీచర్లు, ఫోటో ఎడిటింగ్ అనుభవం లేని వినియోగదారులకు కూడా సులభంగా ఉపయోగపడతాయి. ఒకప్పుడు క్లిష్టంగా అనిపించిన ఫోటో ఎడిటింగ్ ఇప్పుడు సాధారణ వాక్యాలతోనే చేయవచ్చు. దీని ద్వారా అడోబ్ ఫోటోషాప్ వంటి ప్రొఫెషనల్ టూల్స్కు గూగుల్ సవాల్ గా నిలిచే అవకాశాలు ఉన్నాయని విశ్లేషకులు చెబుతున్నారు. గూగుల్ గతేడాది నవంబర్లో "Ask Photos" AI టూల్ను భారత్ సహా 100 దేశాల్లో విడుదల చేసింది. వేగంగా ఫీచర్లు రిలీజ్ చేయడం, ప్రాంతీయ భాషలకు ప్రాధాన్యం ఇవ్వడం ద్వారా భారత్ గూగుల్కు కీలకమైన మార్కెట్ అని మరోసారి నిరూపించింది.