Instagram: ఇన్‌స్టాగ్రామ్‌లో మరో కొత్త ఫీచర్.. యాప్ ఐకాన్‌ను కస్టమైజ్ చేసుకునే అవకాశం!
ఈ వార్తాకథనం ఏంటి
మెటా సంస్థ ఆధీనంలో పనిచేసే సోషల్ మీడియా ప్లాట్‌ఫార్మ్ ఇన్‌స్టాగ్రామ్, తాజాగా టీన్ యూజర్ల కోసం ప్రత్యేక ఫీచర్‌ను ప్రవేశపెట్టింది. ఈ కొత్త అప్‌డేట్ ద్వారా, టీనేజ్ అకౌంట్ ఉన్న యూజర్లు తమ ఇన్‌స్టాగ్రామ్ యాప్ ఐకాన్‌ను తమ ఇష్టానుసారం మార్చుకునే అవకాశం పొందుతారు. ఇన్‌స్టాగ్రామ్ ఈ ఫీచర్ కోసం మొత్తం ఆరు ప్రత్యేక ఐకాన్ థీమ్‌లు అందిస్తోంది. వాటిలో ఫైర్ (Fire), ఫ్లోరల్ (Floral), క్రోమ్ (Chrome), కోస్మిక్ (Cosmic), స్లైమ్ (Slime) వంటి ఆకట్టుకునే డిజైన్‌లు ఉన్నాయి. ఈ థీమ్‌లను ప్రముఖ ఇలస్ట్రేటర్ doncarrrlos (Carlos Oliveras Colom) ఇన్‌స్టాగ్రామ్ డిజైన్ టీమ్ కలిసి రూపకల్పన చేశారు.
వివరాలు
"Instagram"లోగోపై ట్యాప్ చేస్తే,కొత్త ఐకాన్లను అన్‌లాక్ చేసుకోవచ్చు
ఈ ఫీచర్ ద్వారా టీనేజర్లు తమ వ్యక్తిగత శైలిని,అభిరుచిని ప్రతిబింబించేలా యాప్ ఐకాన్‌ను మార్చుకోవచ్చు. యూజర్లు తమ ఇష్టమైన థీమ్‌ను ఎంచుకుని,యాప్ వాడుకను మరింత ఆసక్తికరంగా తీర్చిదిద్దవచ్చు. అయితే, ఈ ఫీచర్ కేవలం టీన్ అకౌంట్ యూజర్లకే పరిమితం.యూజర్లు ఇన్‌స్టాగ్రామ్ హోమ్ స్క్రీన్‌లో "Instagram"లోగోపై ట్యాప్ చేస్తే,కొత్త ఐకాన్లను అన్‌లాక్ చేసుకోవచ్చు. ఈ ఫీచర్ ఈరోజు నుండి అందుబాటులోకి వచ్చింది.దీపావళి వేళ స్టోరీల్లో కొత్త ఎఫెక్ట్‌లు, అలాగే 'ఎడిట్స్'యాప్‌లో కొత్త ఫీచర్‌లు పరిచయమైన ఇన్‌స్టాగ్రామ్, ఇప్పుడు టీన్ యూజర్లకు ఈ కస్టమ్ ఐకాన్ ఆప్షన్ ద్వారా సృజనాత్మకతను మరింత ప్రోత్సహిస్తోంది. ఈ అప్‌డేట్ ద్వారా యువ యూజర్లు తమ యాప్‌ను వ్యక్తిగతంగా, వినూత్నంగా మార్చుకోవచ్చు. ఫలితంగా, ఇన్‌స్టాగ్రామ్ వాడకం మరింత ఆకర్షణీయంగా మారుతుంది.