Whatsapp Usernames: వాట్సాప్లో యూజర్నేమ్స్ రోల్అవుట్ ప్రారంభమైందా? తాజా వివరాలు ఇవే..
ఈ వార్తాకథనం ఏంటి
వాట్సాప్ ఎంతోకాలంగా ఎదురుచూస్తున్న యూజర్నేమ్ ఫీచర్ను పరిమిత సంఖ్యలో వినియోగదారులకు అందుబాటులోకి తీసుకొస్తోంది. వాట్సాప్ ఫీచర్లను ట్రాక్ చేసే WABetaInfo వెల్లడించిన వివరాల ప్రకారం,ప్రస్తుతం ఈ ఫీచర్ను ఆండ్రాయిడ్, ఐఫోన్ వినియోగదారుల్లో కొందరికి మాత్రమే విడుదల చేస్తున్నారు. స్టేబుల్,బీటా వెర్షన్లలోని కొంతమందికి ఇది ఇప్పటికే కనిపిస్తుండగా,రానున్న వారాల్లో మరింతమంది వినియోగదారులకు అందుబాటులోకి వచ్చే అవకాశం ఉంది. ఈ ఫీచర్తో కొత్త వ్యక్తులతో మాట్లాడాలంటే తప్పనిసరిగా ఫోన్ నంబర్ పంచుకోవాల్సిన అవసరం ఉండదు. వినియోగదారులు తమకు నచ్చిన ప్రత్యేకమైన యూజర్నేమ్ను షేర్ చేసి చాట్ ప్రారంభించవచ్చు. అయితే ఫోన్ నంబర్ల వినియోగం మాత్రం కొనసాగుతుంది.వాట్సాప్ ఖాతా క్రియేట్ చేయడానికి మొబైల్ నంబర్ తప్పనిసరిగా అవసరమే.
వివరాలు
ఈ ఫీచర్ విడుదలకు ముందు భారత్లో కొంత ఆలస్యం
అలాగే ఇప్పటికే ఉన్న చాట్లలో ఫోన్ నంబర్లు యథావిధిగా కనిపిస్తాయి. యూజర్నేమ్ అనేది కేవలం కొత్త వ్యక్తులతో కనెక్ట్ కావడానికి అదనపు సౌకర్యంగా పనిచేస్తుంది.
ఈ ఫీచర్ విడుదలకు ముందు భారత్లో కొంత ఆలస్యం జరిగింది.
యూజర్నేమ్ల ద్వారా నకిలీ ఖాతాలు సృష్టించి వ్యాపార సంస్థలు, ప్రముఖులు లేదా ఇతరుల పేర్లతో మోసాలు జరిగే అవకాశం ఉందనే ఆందోళనను కేంద్ర ప్రభుత్వం వ్యక్తం చేసినట్లు గతంలో వార్తలు వచ్చాయి.
దీంతో భద్రతాపరమైన అంశాలపై చర్చలు పూర్తయ్యే వరకు ఈ ఫీచర్ను విడుదల చేయొద్దని మెటాకు సూచించినట్లు సమాచారం.
అయితే వినియోగదారుల భద్రత కోసం పలు రక్షణ చర్యలు తీసుకున్నామని మెటా చెబుతోంది.
వివరాలు
వినియోగదారులకు చాట్స్ ట్యాబ్ పైభాగంలో ప్రత్యేక నోటిఫికేషన్
ధృవీకరించిన ఖాతాలు,ప్రముఖుల కోసం ప్రత్యేక యూజర్నేమ్ల రిజర్వేషన్, అనవసరంగా సంప్రదించే ప్రయత్నాలపై పరిమితులు, సులభంగా ఊహించలేని యూజర్నేమ్లు, మొదటిసారి సందేశం పంపినప్పుడు అదనపు సమాచారాన్ని చూపించడం వంటి భద్రతా వ్యవస్థలను ఏర్పాటు చేసినట్లు పేర్కొంది.
ఈ ఫీచర్ అందుబాటులోకి వచ్చిన వినియోగదారులకు చాట్స్ ట్యాబ్ పైభాగంలో ప్రత్యేక నోటిఫికేషన్ కనిపిస్తుంది.
అనంతరం Settings > Profile విభాగానికి వెళ్లి యూజర్నేమ్ను సృష్టించడం, మార్చడం లేదా తొలగించడం చేయవచ్చు.
మెటా అకౌంట్స్ సెంటర్ను లింక్ చేసిన వారు ఫేస్బుక్ లేదా ఇన్స్టాగ్రామ్లో ఉపయోగిస్తున్న అదే యూజర్నేమ్ను ఎంచుకునే అవకాశం కూడా ఉండొచ్చు. అయితే ఇది పూర్తిగా ఐచ్ఛికం(option).
వివరాలు
కొత్త వ్యక్తితో చాట్ చేయాలంటే పూర్తి యూజర్నేమ్ తెలియాలి
టెలిగ్రామ్, డిస్కార్డ్ల మాదిరిగా వాట్సాప్లో పబ్లిక్ యూజర్నేమ్ డైరెక్టరీ ఉండదు.
ఎవరినైనా సంప్రదించాలంటే వారి పూర్తి యూజర్నేమ్ తెలిసి ఉండాలి. యూజర్నేమ్లో కొన్ని అక్షరాలు మాత్రమే టైప్ చేసి వెతికే అవకాశం ఉండదు.
అలాంటి సందర్భాల్లో కొత్త వ్యక్తి చాట్ ప్రారంభించాలంటే యూజర్నేమ్తో పాటు ఆ కీ కూడా తెలుసుకోవాలి.
అయితే ఇప్పటికే చాట్ చేసిన వారు, ఒకే గ్రూప్లో ఉన్న వారు, ఫోన్ నంబర్ సేవ్ చేసుకున్న వారు లేదా ఎదుటి వ్యక్తి ముందుగా సందేశం పంపిన సందర్భాల్లో ఈ కీ అవసరం ఉండదు.
వివరాలు
కొత్త వ్యక్తులతో సురక్షితంగా కనెక్ట్ అయ్యే అవకాశం
అలాగే యూజర్నేమ్ను కొత్తగా సృష్టించినా లేదా మార్చినా, ఇప్పటికే ఉన్న కాంటాక్ట్లకు చాట్లో సిస్టమ్ సందేశం ద్వారా వాట్సాప్ సమాచారం అందిస్తుంది.
దీనివల్ల గందరగోళం తగ్గడంతో పాటు నకిలీ ఖాతాల ద్వారా మోసాలకు కూడా కొంతవరకు అడ్డుకట్ట పడే అవకాశం ఉంది.
ప్రస్తుతం పరిమిత స్థాయిలో మాత్రమే అందుబాటులో ఉన్నప్పటికీ, యూజర్నేమ్ ఫీచర్ వాట్సాప్లో గోప్యతను మరింత పెంచే కీలక మార్పుగా భావిస్తున్నారు.
త్వరలో మరింత మంది వినియోగదారులకు ఇది అందుబాటులోకి వస్తే, ఫోన్ నంబర్ను వెంటనే వెల్లడించకుండా కొత్త వ్యక్తులతో సురక్షితంగా కనెక్ట్ అయ్యే అవకాశం లభించనుంది.