చంద్రయాన్-3 గురించి కీలక అప్డేట్ ఇచ్చిన ఇస్రో చైర్మన్
ఈ వార్తాకథనం ఏంటి
భారత అంతరిక్ష పరిశోధన సంస్థ ఇస్రో మరో అరుదైన ఘనతను సాధించింది. నేడు ఉదయం 10.42 గంటలకు శ్రీహరికోటలోని సతీష్ ధవన్ అంతరిక్ష కేంద్రం నుంచి ఎన్‌వీఎస్-01ను కక్ష్యలోకి ప్రవేశపెట్టింది.
ఈ ప్రయోగం విజయవంతం అయిన తర్వాత ఇస్రో చైర్మన్ ఎస్. సోమనాథ్ చంద్రయాన్ 3 గురించి కీలక అప్డేట్ ఇచ్చారు.
చంద్రుడిపై మరిన్ని పరిశోధనలు చేయడానికి చంద్రయాన్ 3ని జులైలో ప్రయోగించబోతోతున్నట్లు స్పష్టం చేశారు. జులై 12వ తేదీన ఈ స్పేష్ క్రాప్ట్ ను ప్రయోగించే అవకాశాలను పరిశీలిస్తున్నామని వెల్లడించారు.
చంద్రయాన్-3 స్పేస్ క్రాప్ట్‌లో ప్రొపల్షన్ మాడ్యూల్, ల్యాండర్ మాడ్యూల్, రోవల్ మాడ్యూల్ ఉండనున్నాయి. ఇప్పటికే ఇస్రో రెండుసార్లు చంద్రుడిపై వ్యోమనౌకలను పంపిన విషయం తెలిసిందే.
Details
శ్రీహరి కోటకు చేరుకున్న మూన్ లైట్
గతంలో చేపట్టిన చంద్రయాన్-2 విఫలమైంది. ఈ నేపథ్యంలో ఇందులో భాగమైన విక్రమ్ ల్యాండర్ చంద్రుడిపై అడుగుపెట్టలేకపోయింది. చివరి నిమిషంలో గతి తప్పింది.
2019 సెప్టెంబర్ 7వ తేదీన అర్ధరాత్రి దాటిన తరువాత 1.30 నుంచి 2.30 గంటల మధ్యలో చంద్రుడిపై దిగాల్సిన విక్రమ్ ల్యాండర్ సంకేతాలు పూర్తిగా స్తంభించిపోవడంతో అది క్యాష్ ల్యాండ్ అయింది.
బెంగళూరులో యూఆర్ రావు శాటిలైట్ సెంటర్ రూపుదిద్దుకున్న మూన్ శాటిలైట్ ఇప్పటికే శ్రీహరి కోటకు చేరుకుంది. ప్రస్తుతం అంతరిక్ష కేంద్రంలో చంద్రయాన్-3 ను తీసుకెళ్లే ఎల్‌వీఎం రాకెట్ ను రూపొందిస్తున్నారు.
ఈ స్పేస్ క్రాప్ట్ మరో మూడు వారాల్లో మూన్ వద్దకు వెళ్లే అవకాశం ఉంది.