అంతర్గత వాహన తనిఖీలు పూర్తి చేసుకున్న ఆదిత్య ఎల్-1.. సూర్యుడి వైపు దుసుకెళ్లేందుకు రెఢీ
ఆదిత్య ఎల్-1 మిషన్ రెండో ల్యాంచ్ ప్యాడ్ నుంచి నింగికి దూసుకెళ్లేందుకు సంసిద్ధమవుతోంది. ఈ మేరకు తుదిదశ కసరత్తు పూర్తయిందని ఇస్రో ప్రకటించింది. లాంచ్ రిహార్సల్స్, లాంచింగ్ వెహికల్ అంతర్గత పరికరాలు, ఇతర యంత్రాలు, సామాగ్రి, డేటా కనెక్షన్స్, కంట్రోల్ రూమ్తో లింకేజ్ వ్యవస్థ తదితర కీలకమైన విభాగాలను తుదిదశలో తనిఖీ చేసినట్లు తెలిపింది. ఈ నేపథ్యంలోనే లాంచింగ్ ప్రక్రియ ఏర్పాట్లు జరుగుతున్నట్లు వివరించింది. సెప్టెంబర్ 2న ఉదయం 11:50 నిమిషాలకు ఆదిత్య ఎల్1 సూర్యుడి వైపు దూసుకెళ్లనుంది. ప్రయోగించిన రోజు నుంచి 110 నుంచి 120 రోజుల తర్వాత శాటిలైట్ సూర్యుడి దీర్ఘ వృత్తాకార కక్ష్యలోకి ప్రవేశిస్తుంది. ఈ శాటిలైట్ను మోసుకెళ్లేందుకు PSLV C-57 రాకెట్ను ఇస్రో ప్రయోగిస్తోంది.