Shiva Shakti: చంద్రయాన్-3 ల్యాండింగ్ సైట్ ఇక అధికారికంగా 'శివ శక్తి'
ఈ వార్తాకథనం ఏంటి
ఇండియన్ స్పేస్ రీసెర్చ్ ఆర్గనైజేషన్ (ఇస్రో) చంద్రయాన్ -3 మిషన్ విక్రమ్ ల్యాండర్ చంద్రునిపై దిగిన ప్రదేశాన్నీ "శివ శక్తి" అని పిలవనున్నారు. పారిస్ లోని అంతర్జాతీయ ఖగోళ సంఘం (IAU)ఈ పేరును అధికారికంగా ఆమోదించింది. ల్యాండింగ్ సైట్‌ను "శివశక్తి" అని పిలుస్తామని ప్రధాని నరేంద్ర మోదీ ప్రకటించిన దాదాపు ఏడు నెలల తర్వాత ఆమోదం లభించింది. ఖగోళ సంస్థ ఆమోదించిన గ్రహాల పేర్ల గురించి వివరణాత్మక సమాచారాన్ని అందించే ప్లానెటరీ నామకరణం గెజిటీర్ అఫ్ ప్లానెటరీ ప్రకారం..చంద్రయాన్-3 ల్యాండింగ్ సైట్ కోసం "స్టేటియో శివ శక్తి" అనే పేరును మార్చి 19న ప్యారిస్ ఆధారిత IAU ఆమోదించింది.
Details
చంద్రయాన్-2 పాదముద్రలను వదిలిన ప్రదేశం 'తిరంగా'
ఆగస్టు 23, చంద్రయాన్-3 చంద్రునిపై ల్యాండ్ అయిన ఆగష్టు 23ను ఇకపై ఇప్పుడు 'జాతీయ అంతరిక్ష దినోత్సవం'గా పిలుస్తామని ఆగస్టు 26, 2023న బెంగళూరులోని ఇస్రో టెలిమెట్రీ ట్రాకింగ్ అండ్ కమాండ్ నెట్‌వర్క్ మిషన్ కంట్రోల్ కాంప్లెక్స్‌లో ప్రధాని నరేంద్ర మోదీ ప్రకటించారు. చంద్రుని ఉపరితలంపై చంద్రయాన్-2 తన పాదముద్రలను వదిలిన ప్రదేశాన్ని 'తిరంగా' అని పిలుస్తారు. "భారతదేశం చేసే ప్రతి ప్రయత్నానికి ఇది ఒక ప్రేరణ. ఏ వైఫల్యం అయినా అంతిమమైనది కాదని ఇది మనకు గుర్తు చేస్తుంది" అని మోడీ అన్నారు.
Details
ఇస్రోకి ప్రతిష్టాత్మక ఏవియేషన్ వీక్ అవార్డు
ఆగస్టు 23, 2023న, చంద్రయాన్-3 మిషన్ చంద్రుని ఉపరితలంపై విజయవంతమైన సాఫ్ట్ ల్యాండింగ్‌తో చరిత్ర సృష్టించింది. భారతదేశం ఇప్పుడు చంద్రుని దక్షిణ ధృవానికి సమీపంలోకి చేరుకున్న మొదటి దేశం. చంద్రుని ఉపరితలంపై మృదువైన ల్యాండింగ్‌ను చేపట్టే మొదటి నాలుగు దేశాలలో ఒకటిగా నిలిచింది. చంద్రయాన్-3 ప్రయోగంతో ఇస్రో సాధించిన విజయాలకుగాను గతవారం ప్రతిష్టాత్మక ఏవియేషన్ వీక్ అవార్డుతో సత్కరించింది.