Microsoft: రీకాల్ ఫీచర్‌ను అన్‌ఇన్‌స్టాల్ చేయలేమని మైక్రోసాఫ్ట్ ప్రకటన
మైక్రోసాఫ్ట్ రాబోయే రీకాల్ ఫీచర్‌ను వినియోగదారులు అన్‌ఇన్‌స్టాల్ చేయలేరని స్పష్టం చేసింది. Windows 11 ఇటీవలి 24H2 బిల్డ్ వెర్షన్‌లో ఈ సమస్యను తొలుత డెస్క్‌మోడర్‌ను గుర్తించింది. అక్కడ వినియోగదారులు రీకాల్ ఫీచర్‌ను తమ కంప్యూటర్ల నుండి తొలగించే ప్రయత్నం చేసింది. అయితే ఈ అంశం తుది ఉత్పత్తి బిల్డ్‌లో మాత్రం ఉందని మైక్రోసాఫ్ట్‌లోని సీనియర్ ప్రొడక్ట్ మేనేజర్ బ్రాండన్ లెబ్లాంక్ వెల్లడించారు. ఇది ఒక పొరపాటు అని, దీనిని త్వరలో సరిదిద్దుతామని ఆయన హామీ ఇచ్చారు.
రీకాల్ ఫీచర్ ను ప్రివ్యూ చేయనున్న మైక్రోసాఫ్ట్
రీకాల్ ఫీచర్, వినియోగదారుల కంప్యూటర్‌లోని స్క్రీన్‌షాట్‌లను పిక్స్ తీసే విధానం, కొన్ని భద్రతా సమస్యలను లేవనెత్తింది. ఈ ఫీచర్ ముందుగా జూన్‌లో Copilot+ PCలతో విడుదల కావాల్సి ఉంది. అయితే భద్రతా నిపుణులు కనుగొన్న సమస్య కారణంగా దాని విడుదల వాయిదా పడింది. ప్రస్తుతం, అక్టోబర్‌లో Windows ఇన్‌సైడర్‌లతో రీకాల్ ఫీచర్‌ను ప్రివ్యూ చేయాలని మైక్రోసాఫ్ట్ భావిస్తోంది. కంప్యూటర్ స్నాప్‌షాట్‌లను నిల్వ చేసే రీకాల్ డేటాబేస్ ఎన్‌క్రిప్ట్ చేయలేదని భద్రతా నిపుణులు గుర్తించారు,
స్పష్టత ఇవ్వని మైక్రోసాప్ట్
ఇది మాల్వేర్‌కి యాక్సెస్ అవకాశాన్ని కల్పిస్తుంది. దీనికి ప్రతిస్పందనగా, మైక్రోసాఫ్ట్ రీకాల్‌ని ఆప్ట్-ఇన్ ఫీచర్‌గా చేయడం, డేటాబేస్‌ను ఎన్‌క్రిప్ట్ చేసి, విండోస్ హలో ద్వారా ప్రామాణీకరించాలనే మార్పులను పరిశీలిస్తోంది. రీకాల్ ఫీచర్ Windows ఫీచర్‌ల జాబితాలో కనిపించినప్పటికీ, వినియోగదారులు దానిని పూర్తిగా తొలగించగలరా లేదా అనేది ఇంకా మైక్రోసాఫ్ట్ స్పష్టత ఇవ్వలేదు. యూరోపియన్ కమీషన్ డిజిటల్ మార్కెట్స్ యాక్ట్ (DMA)కి అనుగుణంగా EU వెర్షన్‌లలో రీకాల్ అన్‌ఇన్‌స్టాల్ ఎంపికను చేర్చవలసి ఉంటుందని ఊహాగానాలు విన్పిస్తున్నాయి.
