NASA: చంద్రుడిపై రైల్వే స్టేషన్ నిర్మించాలన్న యోచనలో NASA.. ప్రణాళికలు రెడీ
చంద్రునిపై ఉపరితలం అంతటా సమర్థవంతగా, స్వయంప్రతిపత్తమైన, సమర్థవంతమైన పేలోడ్ రవాణా చేయడమే లక్ష్యంగా అమెరికా అంతరిక్ష పరిశోధనా సంస్థ నాసా మొదటి చంద్ర రైల్వే వ్యవస్థను నిర్మించడానికి తన ప్రణాళికలు సిద్ధం చేస్తోంది. జాబిల్లి పై రైల్వే స్టేషన్ నిర్మించి రైళ్లు నడపాలని యోచిస్తోంది. ఇందుకోసం చంద్రుడిపై అన్వేషణలను మరింత విస్తరించడం, అక్కడి ఉపరితలంపై క్రియాశీలక స్థావరాలను ఏర్పాటు చేయడం నాసా ప్రధాన లక్ష్యాలుగా ఏర్పర్చుకుంది.
ఫ్లోట్ అంటే ఏంటి?
రైల్వే స్టేషన్ల ఏర్పాటుకు 'ఫ్లెక్సిబుల్ లెవిటేషన్ ఆన్ ఏ ట్రాక్ (ఫ్లోట్)' అనే ప్రత్యేక వ్యవస్థను నాసా ప్రతిపాదించింది. FLOAT సిస్టమ్ 3-లేయర్ ఫ్లెక్సిబుల్ ఫిల్మ్ ట్రాక్‌పైకి వెళ్లే శక్తి లేని మాగ్నెటిక్ రోబోట్‌లను ఉపయోగిస్తుంది. ఈ ట్రాక్‌లో డయామాగ్నెటిక్ లెవిటేషన్‌ని ఉపయోగించి పాసివ్ ఫ్లోటింగ్ కోసం గ్రాఫైట్ లేయర్, ట్రాక్‌ల వెంట రోబోట్‌లను నడపడానికి విద్యుదయస్కాంత థ్రస్ట్‌ను ఉత్పత్తి చేయడానికి ఫ్లెక్స్-సర్క్యూట్ లేయర్, సూర్యరశ్మికి గురైనప్పుడు విద్యుత్ ఉత్పత్తి కోసం ఐచ్ఛిక సన్నని-ఫిల్మ్ సోలార్ ప్యానెల్ లేయర్ ఉన్నాయి. సాధారణంగా రైళ్ల వ్యవస్థలో తలెత్తే చక్రాలు,ట్రాకుల సవాళ్లను అధిగమించడంలో 'మాగ్నెటిక్ లెవిటేషన్ టెక్నాలజీ' ఉపయోగపడుతుంది.
చంద్రుడిపై స్థావర కార్యకలాపాలను సులభతరం చేయగలదని అంచనా
ట్రాక్‌పై చంద్రుడి దుమ్ము ధూళి రాపిడిని తగ్గించడానికి ఫ్లోట్ రోబో‌లను ప్రత్యేకంగా ఇంజనీరింగ్ చేస్తారు. ట్రాక్‌ను రైళ్లు తాకకుండా ఈ రోబో‌లు కంట్రోల్ చేస్తాయి . దానివల్ల రైళ్లు సజావుగా తేలుతూప్రయాణిస్తాయి. ఫ్లోట్ వ్యవస్థ ప్రతి సెకన్‌కు 0.5 మీటర్ల వేగంతో భిన్న ఆకృతుల పేలోడ్‌లను రవాణా చేయగలదని నాసా తెలిపింది. ఒక హెవీ ఫ్లోట్ వ్యవస్థ రోజుకు 1,00,000 కిలోల పేలోడ్‌ను ఎన్నో కిలోమీటర్లకు పైగా దూరం తరలించగలదని ఆశాభావం వ్యక్తం చేసింది. చంద్రుడిపై స్థావర కార్యకలాపాలను సులభతరం చేయగలదని అంచనా వేసింది. చంద్రుడిపై ఈ నూతన రవాణా పరిష్కారం భూమికి వెలుపల మానవ అన్వేషణ, ఆవాసాల అభివృద్ధిలో గణనీయమైన ముందడుగు అని నాసా ఆశాభావం వ్యక్తం చేసింది.
