Whatsapp: వాట్సాప్‌లో కొత్త చాట్ లాక్ ఫీచర్.. ప్రైవసీని కాపాడుకునేందుకు ఉపయోగం
ఈ వార్తాకథనం ఏంటి
ప్రస్తుతం వాట్సాప్ వినియోగదారులకు అనేక కొత్త ఫీచర్లు అందుబాటులో ఉన్నాయి. ఇవి యూజర్ అనుభవాన్ని మరింత సౌకర్యవంతంగా, ఆసక్తికరంగా మార్చనున్నాయి.
వాట్సాప్ గ్రూప్ చాట్‌లలో పోస్టులు, అనౌన్స్‌మెంట్లు, డిస్కషన్ల వంటి ఫీచర్లు సమర్థవంతమైన నిర్వహణకు సాయపడనున్నాయి.
మరింత ప్రైవసీ కోసం, వాట్సాప్ ఇప్పటికే చాట్ లాక్ ఫీచర్‌ను అందుబాటులోకి తెచ్చింది.
దీని ద్వారా మీరు అవసరమైన చాట్స్‌ను లాక్ చేసుకోవచ్చు.
Details
చాట్ లాక్ ఫీచర్ ఎలా ఉపయోగించాలి?
1. మీరు లాక్ చేయదలచిన చాట్‌ను ఓపెన్ చేయండి.
2. చాట్ తెరవడానికి, కుడివైపు ఉన్న (:) ఆప్షన్‌పై క్లిక్ చేయండి.
3. "చాట్ లాక్" ఆప్షన్‌ను సెలెక్ట్ చేయండి.
4. ఆ తరువాత పాస్వర్డ్ సెట్ చేసుకుని చాట్‌ను లాక్ చేసుకోవచ్చు.
కొన్నిసార్లు చాట్ లాక్ చేసినా, స్వైప్ చేయడం ద్వారా వాటి యాక్సెస్ అవుతుంది, ఇది ప్రైవసీ రిస్క్‌ను కలిగిస్తుంది. ఈ విషయాన్ని దృష్టిలో పెట్టుకుని, వాట్సాప్ ఒక కొత్త "హైడ్ లాక్ చాట్" ఫీచర్‌ను పరిచయం చేసింది.
Details
ఈ కొత్త ఫీచర్‌ను ఎలా ఉపయోగించాలి?
1. లాక్ చేసిన చాట్‌పై క్లిక్ చేయండి.
2. పైన ఉన్న (:) ఆప్షన్‌పై క్లిక్ చేసి "చాట్ లాక్ సెట్టింగ్స్" ఆప్షన్‌ను సెలెక్ట్ చేయండి.
3. హైడ్ లాక్ చాట్" అనే ఆప్షన్‌ను ఎంచుకోండి.
4. మీరు ఒక కోడ్ సెట్ చేయాల్సి ఉంటుంది.
5. ఈ సెట్ చేసిన కోడ్‌ను ఉపయోగించి, లాక్ చేసిన చాట్‌ను ఎప్పటికప్పుడు పొందుపరచవచ్చు, ఇది కింద స్వైప్ చేయడం ద్వారా కనిపించదు.
ఈ కొత్త ఫీచర్ ప్రత్యేకంగా యువతకు చాలా ఉపయోగకరంగా ఉంటుంది.
ఎందుకంటే వారి ప్రైవసీని మరింత భద్రంగా కాపాడుకోవచ్చు. మీరు ఈ ఫీచర్‌ను ట్రై చేయాలనుకుంటే, మీరు మీ వాట్సాప్‌ను తాజా వెర్షన్‌కి అప్‌డేట్‌ చేసుకోవాల్సి ఉంటుంది.