ఫిబ్రవరి 10న విడుదల కానున్న Realme కోకా-కోలా స్మార్ట్‌ఫోన్ ఎడిషన్
ఈ వార్తాకథనం ఏంటి
Realme ఫిబ్రవరి 10న భారతదేశంలో కోకా-కోలా-బ్రాండెడ్ స్మార్ట్‌ఫోన్‌ను విడుదల చేయనున్నట్లు ప్రకటించింది. ఈ లిమిటెడ్ ఎడిషన్ మోడల్ Realme మిడిల్ సిరీస్ 10 Pro 5G లాగా ఉంటుందని కంపెనీ వెల్లడించింది. ఈ స్మార్ట్‌ఫోన్‌ను ప్రీ-ఆర్డర్ చేసిన కస్టమర్‌లు బ్లూటూత్ స్పీకర్, ఎలక్ట్రానిక్ టూత్ బ్రష్, Realme కోకా-కోలా ఫిగర్ డీలక్స్ బాక్స్‌సెట్‌ను గెలుచుకునే అవకాశం ఉంది. ప్రత్యేక ఎడిషన్ హ్యాండ్‌సెట్‌ల హార్డ్‌వేర్ Realme 10 Pro 5G లాగానే ఉన్నా ప్రత్యేక బయట డిజైన్ తో వస్తుంది. Realme 10 Pro 5G కోకా-కోలా ఎడిషన్ వెనక నలుపు ప్యానెల్ సిల్వర్‌తో ఉన్న Realme బ్రాండింగ్‌తో డ్యూయల్-టోన్ తో, మరోవైపున కోకా-కోలా లోగోతో వస్తుంది.
ఫోన్
ప్రస్తుతానికి ప్రీ-బుకింగ్ కు అందుబాటులో ఉన్న కోకా-కోలా ఎడిషన్
ఈ కోకా-కోలా ఎడిషన్ లో 108MP ప్రైమరీ కెమెరా మరియు 2MP పోర్ట్రెయిట్ స్నాపర్‌తో, సెల్ఫీలు, వీడియో కాల్‌ల కోసం 16MP కెమెరాతో వస్తుంది. ఇందులో 8GB RAM, 128GB ఇంటర్నల్ స్టోరేజ్ ఉంటుంది. ఇది డ్యూయల్ స్పీకర్లను, 33W ఫాస్ట్ ఛార్జింగ్ సపోర్ట్‌తో 5,000mAh బ్యాటరీతో వస్తుంది.కనెక్టివిటీ ఆప్షన్స్ లో డ్యూయల్-బ్యాండ్ Wi-Fi, బ్లూటూత్ 5.1, GPS, హెడ్‌ఫోన్ జాక్, టైప్-సి పోర్ట్ ఉన్నాయి. Realme 10 Pro 5G Coca-Cola ఎడిషన్ ప్రస్తుతం ప్రీ-బుకింగ్‌ల కోసం అందుబాటులో ఉంది. ఫిబ్రవరి 10న మధ్యాహ్నం 12:30 గంటలకు భారతదేశంలో విడుదల అవుతుంది. దీని ధర దాదాపు రూ. 20,000 ఉండచ్చు.