Space-X: స్పేస్-X ఏడవ స్టార్‌షిప్ పరీక్ష విఫలం.. పేలిపోయిన రాకెట్
ఈ వార్తాకథనం ఏంటి
ప్రముఖ పారిశ్రామికవేత్త ఎలాన్ మస్క్‌కు గట్టి ఎదురుదెబ్బ తగిలింది.
ఆయనకు చెందిన స్పేస్-X సంస్థ తాజాగా ప్రయోగించిన పునర్వినియోగ భారీ రాకెట్ స్టార్‌షిప్ విఫలమైంది.
ఈ రాకెట్ భూవాతావరణంలోకి ప్రవేశించిన వెంటనే సాంకేతిక లోపాల కారణంగా గాల్లోనే పేలిపోయింది.
ఈ ఘటనకు సంబంధించిన వీడియోలు సోషల్ మీడియాలో వైరల్‌గా మారాయి.
ట్విట్టర్ పోస్ట్ చేయండి
సోషల్ మీడియాలో వైరల్‌ అయ్యిన వీడియోలు
SpaceX Starship breaking up and re-entering over Turks and Caicos this afternoon. pic.twitter.com/LbpJWewoYB
— Molly Ploofkins™ (@Mollyploofkins) January 16, 2025
వివరాలు
టెక్సాస్‌లోని బొకా చికా ప్రాంతం నుండి ప్రయోగం
అంతరిక్ష రంగంలో క్రమంగా పురోగతి సాధిస్తున్న ఎలాన్ మస్క్‌కు చెందిన స్పేస్‌ఎక్స్ సంస్థకు ఇది ఒక పెద్ద షాక్.
టెక్సాస్‌లోని బొకా చికా ప్రాంతం నుండి స్పేస్‌ఎక్స్ ప్రయోగించిన స్టార్‌షిప్ రాకెట్ విఫలమైంది.
భూవాతావరణంలోకి చేరిన వెంటనే, సాంకేతిక లోపం కారణంగా రాకెట్ గాల్లోనే పేలిపోయి, దాని శకలాలు కరేబియన్ సముద్రంలో పడిపోయాయి.
ఈ పేలుడు సమయంలో పెద్ద ఎత్తున మంటలు చిమ్ముతూ శకలాలు విరిగిపడ్డాయి. ఈ దృశ్యాలు సోషల్ మీడియాలో విస్తృతంగా పంచబడ్డాయి.
జనవరి 16న స్పేస్‌ఎక్స్ ప్రతిష్టాత్మక స్టార్‌షిప్ కార్యక్రమం కీలక దశకు చేరుకుంది.
ఈ సమయంలో ఏడవ పరీక్షా ప్రయోగం కరేబియన్ సముద్రంపై భూవాతావరణంలోకి ప్రవేశించినప్పుడు రాకెట్ పేలిపోయింది.
వివరాలు
33 రాప్టర్ ఇంజిన్‌లతో కూడిన 232 అడుగుల పొడవైన రాకెట్
ఈ విఫల ప్రయోగం తర్వాత, స్పేస్‌ఎక్స్ స్పందించింది.
ట్విట్టర్ వేదికగా, రాకెట్ ప్రయోగం విఫలమైంది అని ప్రకటిస్తూ, ఇలాంటి పరిస్థితులు పునరావృతం కాకుండా తగిన చర్యలు తీసుకుంటామని స్పష్టం చేసింది.
ఇది జరిగినప్పటికీ, ఈ మిషన్ సాంకేతిక పరిజ్ఞానంలో అద్భుతమైన పురోగతిని ప్రదర్శించింది.
33 రాప్టర్ ఇంజిన్‌లతో కూడిన 232 అడుగుల పొడవైన రాకెట్ సూపర్ హెవీ బూస్టర్ విజయవంతంగా గాల్లో మధ్యలో ల్యాండింగ్ చేయడం ఒక ప్రత్యేక విశేషం.
ట్విట్టర్ పోస్ట్ చేయండి
గాలిలోనే పేలిపోయిన రాకెట్
🚨#BREAKING: Debris was seen over the Caribbean after SpaceX's Starship broke apart during a test flight, creating a spectacular show in the sky.
— R A W S A L E R T S (@rawsalerts) January 16, 2025
📌#Caicos | #Islands
Watch as multiple footage shows debris lights up the skies as SpaceX successfully launched Starship Flight 7… pic.twitter.com/ZWIUr22USV