Japan: జపాన్‌ ప్రయోగించిన 'చెక్క' ఉపగ్రహం..ప్రపంచంలోనే తొలిసారిగా రోదసిలోకి!
ఈ వార్తాకథనం ఏంటి
భారీ లోహపు ఆకృతులు గుర్తుకొచ్చే ఉపగ్రహాలకు భిన్నంగా, జపాన్‌ తాజా ప్రతిపాదన మానవతకు కొత్త దారులు చూపిస్తుంది.
ప్రపంచంలోనే మొట్టమొదటిసారిగా చెక్కతో తయారు చేసిన ఉపగ్రహాన్ని జపాన్‌ ప్రయోగించింది. ఈ ప్రయోగం అమెరికాలోని ఫ్లోరిడా నుంచి జరిగింది.
దీనిని అంతర్జాతీయ అంతరిక్ష కేంద్రంలో (ఐఎస్‌ఎస్‌) ఉంచి డిసెంబరు మొదటి వారంలో కక్ష్యలోకి ప్రవేశపెట్టనున్నారు.
లిగ్నోశాట్‌ ఉపగ్రహం
ఈ ఉపగ్రహానికి 'లిగ్నోశాట్‌'గా నామకరణం చేశారు. దీన్ని 'సుమిటోమో ఫారెస్ట్రీ' అనే కలప కంపెనీతో కలిసి క్యోటో విశ్వవిద్యాలయం రూపొందించింది.
దీని వెడల్పు 10 సెంటీమీటర్లు, బరువు 1 కిలో ఉంది. 4-5.5 మిల్లీమీటర్ల మందం కలిగిన మగ్నోలియా చెక్కతో తయారైంది.
ఈ ఉపగ్రహం అల్యూమినియం ఫ్రేమ్‌తో బలోపేతమైంది. సంప్రదాయ జపాన్‌ విధానంతో కట్టడం జరిగింది.
Details
పర్యావరణానికి అనుకూలం
ఈ ప్రయోగం చందమామ, అంగారకుడు వంటి గెలాక్సీలో నివాసాల ఏర్పాటుకు అవసరమైన పర్యావరణ అనుకూల పదార్థాలను పరీక్షించేందుకు రూపొందించారు.
కాలం చెల్లిన ఉపగ్రహాలు భూవాతావరణంలో ప్రవేశించాక కాలుష్యాన్ని పుట్టించేవి.
కానీ ఈ కలప ఉపగ్రహాలు తగిన విధంగా మండితే నీటి ఆవిరి, కార్బన్‌ డైఆక్సైడ్‌ మాత్రమే విడుదలవుతాయి. ఇది భూమి మీద హానికరమైన కాలుష్యాన్ని నివారిస్తుంది.
ఉపగ్రహం పనితీరు
లిగ్నోశాట్‌ ఉపగ్రహం రోదసిలో ఆరు నెలలు పనిచేస్తుంది.
ఇది -100 డిగ్రీల సెల్సియస్‌ నుంచి 100 డిగ్రీల సెల్సియస్‌ వరకు ఉన్న ఉష్ణోగ్రతలను, తీవ్ర కాస్మిక్‌ రేడియోధార్మికతను ఎదుర్కొంటుంది.
చెక్క ఆకృతిలో మార్పులు, సంకోచం, వ్యాకోచాలు కలుగుతాయా అనే అంశాలపై శాస్త్రవేత్తలు పరిశీలన చేపట్టారు.
Details
పరీక్షల ఫలితాలు
2022లో 'ఐఎస్‌ఎస్‌'లో మూడు రకాల కలప నమూనాలను 10 నెలలపాటు పరీక్షించారు.
ఆ సమయంలో ఉష్ణోగ్రతలు, రేడియోధార్మికత, ఇతర తీవ్ర పరిస్థితులు వాటిని ప్రభావితం చేయలేకపోయాయని గుర్తించారు.
ఆ పరీక్షలలో ఉత్తమంగా నిలిచిన మగ్నోలియా చెక్కను ఈ ఉపగ్రహం కోసం ఎంచుకున్నారు.
ఈ ప్రాజెక్ట్‌ జపాన్‌ సహా ఇతర దేశాలకు పర్యావరణ అనుకూలమైన అంతరిక్ష పరిశోధనలకు కొత్త దారులు చూపిస్తోంది.