Asia Cup Records: ఆసియా కప్ టీ20 హిస్టరీలో అద్భుతమైన 5 రికార్డులు.. అగ్రస్థానంలో కోహ్లీ, భువీ!
ఈ వార్తాకథనం ఏంటి
క్రికెట్ అభిమానులు ఎంతో ఆసక్తిగా ఎదురుచూసిన ఆసియా కప్ 2025 ఎట్టకేలకు నేటి నుంచి అట్టహాసంగా ప్రారంభమైంది. టీ20 ఫార్మాట్‌లో జరుగుతున్న ఈ టోర్నమెంట్ అబుదాబిలోని షేక్ జాయెద్ స్టేడియంలో ఆఫ్ఘనిస్తాన్, హాంకాంగ్ జట్ల మధ్య జరిగిన మ్యాచ్‌తో మొదలైంది. ఈ సారి పోటీలు పూర్తిగా టీ20 ఫార్మాట్‌లోనే జరగడం వల్ల, వచ్చే ఏడాది భారత్-శ్రీలంక సంయుక్త ఆతిథ్యంతో జరగనున్న టీ20 ప్రపంచకప్‌కు ఆసియా జట్లు సిద్ధం కావడానికి ఇది కీలకంగా నిలవనుంది. ఈ టోర్నీలో ఎనిమిది జట్లు పాల్గొంటున్నాయి.
Details
రెండు గ్రూపులుగా విభజణ
వీటిని రెండు గ్రూపులుగా విభజించారు. గ్రూప్ Aలో భారత్, పాకిస్తాన్, యునైటెడ్ అరబ్ ఎమిరేట్స్, ఒమన్ ఉన్నాయి. గ్రూప్ Bలో ఆఫ్ఘనిస్తాన్, బంగ్లాదేశ్, శ్రీలంక, హాంకాంగ్ జట్లు ఉన్నాయి. ప్రతి జట్టు తన గ్రూప్‌లోని మిగతా మూడు జట్లతో తలపడుతుంది. అనంతరం రెండు గ్రూపుల నుంచి టాప్ రెండు జట్లు సూపర్ ఫోర్ దశకు చేరతాయి. అక్కడి నుంచి ముందంజ వేసిన మొదటి రెండు జట్లు సెప్టెంబర్ 28న దుబాయ్‌లో జరగనున్న ఆసియా కప్ 2025 ఫైనల్‌లో తలపడతాయి.
Details
ఈ నేపథ్యంతో, టీ20 ఆసియా కప్ చరిత్రలో నమోదైన 5 అద్భుతమైన రికార్డులను పరిశీలిద్దాం
1. సెంచరీలు చేసిన బ్యాట్స్‌మన్‌లు ఇప్పటివరకు టీ20 ఆసియా కప్‌లో రెండు సెంచరీలు నమోదయ్యాయి. 2022లో దుబాయ్‌లో ఆఫ్ఘనిస్తాన్‌పై విరాట్ కోహ్లీ 61 బంతుల్లో 122 నాటౌట్ రన్‌లు సాధించాడు. ఇందులో 12 ఫోర్లు, 6 సిక్సర్లు ఉన్నాయి. భారత్ 212/2 స్కోరు చేసి, ఆఫ్ఘనిస్తాన్‌ను 111/8కి పరిమితం చేసింది. అదే విధంగా, 2016లో ఫతుల్లాలో జరిగిన క్వాలిఫయింగ్ మ్యాచ్‌లో హాంకాంగ్ ఆటగాడు బాబర్ హయత్, ఒమన్‌పై 60 బంతుల్లో 122 పరుగులు చేశాడు. అతని ఇన్నింగ్స్‌లో 9 ఫోర్లు, 7 సిక్సర్లు ఉన్నాయి. అయితే, ఆ మ్యాచ్‌లో హాంకాంగ్ 181 లక్ష్యాన్ని చేరుకోలేక 175/7 వద్ద ఆగిపోయింది. ఒమన్ 5 పరుగుల తేడాతో గెలిచింది.
Details
2. ఐదు వికెట్లు తీశిన ఏకైక బౌలర్
భారత ఫాస్ట్ బౌలర్ భువనేశ్వర్ కుమార్ టీ20 ఆసియా కప్‌లో ఐదు వికెట్లు తీసిన ఏకైక ఆటగాడు. 2022లో దుబాయ్‌లో ఆఫ్ఘనిస్తాన్‌పై కేవలం 4 పరుగులకు 5 వికెట్లు తీశాడు. ఇదే మ్యాచ్‌లో కోహ్లీ సెంచరీ సాధించాడు. అదే టోర్నీలో పాకిస్తాన్‌పై కూడా 26 పరుగులకు 4 వికెట్లు తీసాడు. భువనేశ్వర్‌తో పాటు షాదాబ్ ఖాన్, మహ్మద్ నబీ, లసిత్ మలింగ, ప్రమోద్ మధుషన్, ఆమిర్ కలీమ్ తలో 4 వికెట్లు తీసిన బౌలర్లుగా గుర్తింపు పొందారు.
Details
3. 200+ పరుగులు చేసిన బ్యాట్స్‌మన్‌లు
టీ20 ఆసియా కప్‌లో ఇప్పటివరకు నలుగురు బ్యాట్స్‌మన్‌లు 200 కంటే ఎక్కువ పరుగులు సాధించారు. విరాట్ కోహ్లీ: 9 ఇన్నింగ్స్‌లలో 429 పరుగులు (1 సెంచరీ, 3 హాఫ్ సెంచరీలు) మొహమ్మద్ రిజ్వాన్: 281 పరుగులు (1 హాఫ్ సెంచరీ) రోహిత్ శర్మ: 271 పరుగులు (2 హాఫ్ సెంచరీలు) బాబర్ హయత్ (హాంకాంగ్): 235 పరుగులు ఆఫ్ఘనిస్తాన్‌కు చెందిన ఇబ్రహీం జద్రాన్ 196 పరుగులతో ఈ జాబితాలో చేరడానికి దగ్గరగా ఉన్నాడు.
Details
4. 10+ వికెట్లు తీసిన బౌలర్లు
మొత్తం ఆరుగురు బౌలర్లు టీ20 ఆసియా కప్‌లో 10 కంటే ఎక్కువ వికెట్లు తీశారు. భువనేశ్వర్ కుమార్ (భారత్): 6 మ్యాచ్‌ల్లో 13 వికెట్లు అమ్జాద్ జావేద్ (UAE): 7 మ్యాచ్‌ల్లో 12 వికెట్లు అల్-అమీన్ హుస్సేన్ (బంగ్లాదేశ్): 11 వికెట్లు మహ్మద్ నవేద్ (UAE): 11 వికెట్లు హార్దిక్ పాండ్యా (భారత్): 11 వికెట్లు రషీద్ ఖాన్ (ఆఫ్ఘనిస్తాన్): 11 వికెట్లు
Details
5. 100+ పరుగుల భాగస్వామ్యాలు
టీ20 ఆసియా కప్‌లో ఇప్పటివరకు నాలుగు సార్లు 100+ భాగస్వామ్యాలు నమోదయ్యాయి. విరాట్ కోహ్లీ - కేఎల్ రాహుల్ (భారత్): 2022లో ఆఫ్ఘనిస్తాన్‌పై మొదటి వికెట్‌కు 119 పరుగులు ఫఖర్ జమాన్ - మొహమ్మద్ రిజ్వాన్ (పాకిస్తాన్): 2022లో హాంకాంగ్‌పై రెండవ వికెట్‌కు 116 పరుగులు షోయబ్ మాలిక్ - ఉమర్ అక్మల్ (పాకిస్తాన్): 2016లో UAEపై నాలుగో వికెట్‌కు 114 పరుగులు దినేష్ చండిమల్ - తిలకరత్నే దిల్షాన్ (శ్రీలంక): 2016లో పాకిస్తాన్‌పై మొదటి వికెట్‌కు 110 పరుగులు